- Qaanaani tunisassiorfimmi sulisut aalisakkanik tunisassiorsinnaanermik maanna ilinniartinneqarput, taamaattumik tunisassiorneq ingerlallualeriartuinnarpoq aamma ullormut tunisassiat annertusiartorput. Aalisartut aamma aalisarluarnerulernikuupput aamma Qaanaap eqqaani aalisarfiit annertunerusut aalisarfigilernikuummatigik Qaanaami aalisarneq aalisakkanillu tunisassiorneq siuariartuinnarpoq, Royal Greenlandimi tunisassialerinermi ingerlatsisoq, Niels Ole Møller oqarpoq.

2013-imi Royal Greenlandip Arctic Greenfoodip tunisassiorfia pisiarigamiuk Qaanaami aalisartut piniartullu piginneqatigalugit Inughuit Seafood A/S pilersippaat. Taamanikkut Qaanaani aalisartut ukiumut qalerallit 20 tonsit tunisarpaat, kingorna qaleralinnik tunisineq annertusivoq 2014-imilu 110 tonsit tunineqartut 2017-imi qalerallit 193 tonsit tunineqarlutik.

- Ukioq manna januarip aallaqqaataaniit marsip allartinnera tikillugu qalerallit 115 tonsit tunineqareerput. Junip aallartinnera tikillugu aalisarnerup ingerlaannarnissaa naatsorsuutigigatsigu neriuutigaara ukioq manna aamma qaleralinnik tunisilluartoqarumaartoq, Niels Ole Møller oqarpoq.

Sulisut tallimaniit amerlasuunut

Ilaatigut qaleralinnik paperuikkanik niaquikkanillu tunisassiulernissaq siunertaralugu siorna Qaanaami tunisassiorfik annertuumik nutarterneqarpoq.

- Siorna tunisassiorfiup natii kuuffiilu ajornartorsiutigineri pissutigalugit aatsaat ukioq manna februarimi qaleralinnik paperuikkanik niaquikkanillu tunisassiorneq aallartinneqarpoq. Maanna qalerallit tunisassiat 70 procentiisa missingi paperuikkatut niaquikkatullu tunisassiarineqartarmata sulisut tallimaannaasimasut maanna 15-it 19-illu akornanni amerlassuseqalernerat nuannaarutigaarput, Niels Ole Møller oqarpoq.

Saattuni Royal Greenlandip tunisasiorfiani sulisoq misilittagalik maanna Qaanaami tunisassiorfiup sulisuinik qaleralinnik paperuikkanik niaquikkanillu tunisassiortarneq pillugu ilinniartitsiartorluni Qaanaamiittoq Niels Ole Møllerip oqaatigaattaaq.

Qaanaami alisartut 55-it missaaniittut Inuighuit Seafoodip tunisassiorfianut maannakkorpiaq tunisisarput.

Allattoq: Inga Egede, ineg@royalgreenland.com

Assit: Rosa Davidsen

Asseq

 
 

Royal Greenland aperiguk

i
Write the text from the image