- Marsimi marloriarluta Tasiilamiinitsinni 2018-mi ulapaarfimmi sulisorilersinnaasavut inuit 50-it immersugassat atorlugit oqaloqatigalugit apersorsimalerpavut. Taakkunannga toqqarneqartut 27-it Royal Greenlandip tunisassiorfiini suliffissaannik neqeroorfigissavagut, Royal Greenlandimi sulisoqarnermut immikkoortortami allaffissornikkut pisortaq, Svend Larsen oqarpoq.

Sumiiffinni assigiinngitsuni sulisoreriikkat saniatigut Royal Greenlandi A/S ukiut tamaasa ulapaarfimmi sulisussanik pisariaqartitsisarpoq. Kommunini ataasiakkaani suliffissarsiortut akornanni tunisassiorfinni sulilisinnaasunik pissarsinnaannginnermi Royal Greenlandimi sulisoqarnermut mmikoortortaqarfik kommunini allani sulifissarsiortut akornanni minnerpaamik qaammatini pingasuni ajornannigippallu ulapaarfik tamaat sulisinnaasunik pissarsiorsinnaanermik periarfissaqarpoq. 2018-imi ulapaarfimmi sulisussaqarnissaq qulakkeerniarlugu sulisoqarnermut imikkoortortaqarfimmi sulisut Kommuneqarfik Sermersuup suliffissarsiuussisarfia suleqatigalugu Tasiilami suliffissarsiortunik oqaloqatiginnipput.

Piumasaqaatit

Royal Greenland ulapaarfimmi sulisinnaasunut aalajangersimasunik piumasaqaateqarpoq, ilaatigut sulilertussat tarnikkut timikkullu tunisassiorfinni sulinissaminnut piareersimanissaat piumasaqaataavoq.

- Tasiilami oqaloqatiginnilluta apersuinitsigut paasiniarsimavarput sulisorilersinnaasavut piumasaqaatitsinnik naammassinninnersut. Taamalillutalu sulilersinnaasutut oqaloqatigineqartut 50-iusut akornanni 27-it piumasaqaatitsinnik naammassinnimmata taakku Kitaani tunisassiorfinni amigaateqartoqalerpat suliffimmik neqeroorfigineqassapput, Svend Larsen oqarpoq, nangipporlu:

- Taakku 27-it akornanni arlallit siornatigut Royal Greenlandip tunisassiorfiini sulisorereernikuugatsigit sulisut Tunumeersut pitsaasumik mislittagaqarfigaavut. Ulapaarfik apriilimi maajimiluunniit aallartippat Tunumiut Kitaani sulilerunik Maniitsumiit avannamut Aappilattoq tikillugu tunisassiorfinni sulissapput, sumiiffinnilu taakkunani novemberimi decemberimiluuiinniit ulapaarfiup naanissaata tungaanut sulissallutik.

Ulapaarfimmi sulisussatut toqqarneqartut 27-it Kitaanut Tunumullu uternermi angalanissaat Namminersorlutik oqartussat nuttarnerulersitsiniarluni aningaasaaliissutaannik akilerneqassaaq sumiiffinnilu assigiinngitsuni sulisussat ineqarnissaat Royal Greenlandip isumagissavaa. Ulapaarfimmi sulisorisat qaammatit pingasut ataallugit sulereernermi angerlarniarunik angalanertik namminneq akilertussaavaat.

Allattoq: Inga Egede, ineg@royalgreenland.com

Foto: Svend Larsen

Asseq

 
 

Royal Greenland aperiguk

i
Write the text from the image