Royal Greenlandip kilisaataataani nutaajunerpaaq Avataq 82,30 miiterinik takissuseqartoq 18 miiterinik silissuseqarpoq. Kilisaat Royal Greenlandip kilisaataataani anginerpaanngortussaq 2.850 kubikmiiterinik annertussussilimmik lasteqarpoq.

Avataq kilisaat Qaqqatsiamut taartaasussaasoq raajarniarlunilu qaleralinniartussaq  inunnik 30-inik inuttaqarsinnaavoq. Avataq Kalaallit Nunaata sineriaani aamma Barentip imartaani aalisassaaq.

Atortut ikkussuunneqarput

- Umiarsuaq suli sininnginnerani umiarsualiorfimmiittoq takugakku angingaarmat takusaq alutornaqaaq, taama oqarpoq Royal Greenlandimi kilisaateqarfimmi tunisassialerinermi ingerlatsisoq, Johan Berthelsen, nangillunilu:

- Sisimiut Avatallu sanaartorneqarnerat ingerlanneqaleruttorpoq. Umiarsuit silataat naammasipput maannalu umiarsuit tunisassiorfissaat nutaaliaalluinnartut aamma umiarsuit iluisa atortui allat ikkussuunneqassapput.

2019-imi ukiup naajartornerani Avataq kilisalluni aallartinnissaa naatsorsuutigineqarpoq.

- Kilisaatip atuutilernissaa qilanaareqaarput, naatsorsuutigaarput 2019-imi ukiup naalernerani atuutilissasoq, Johan Berthelsen oqarpoq.

Kilisaatip nutaap aappaa Sisimiut 2018-imi maajimi singinneqarpoq. 2019-imi maajimi Sisimiut atuutilernissaa naatsorsuutigineqarpoq.

Allaaserisap ataani Avatap singinneqannginnerani aamma singinneqarareernerani assit takuneqarsinnaapput

Allattoq: Inga Egede, ineg@royalgreenland.com

Assit: RG

Asseq

 
 

Royal Greenland aperiguk

i
Write the text from the image