Royal Greenlandi nittarsaassiviani ilinniagaqartut saaffiginnissutaat akissuteqarfigalugit Kalaallit Nunaanni suliffeqarfiit annersaat pillugu taamatullu suliffissat periarfissat pillugit paasissutissiillutik suleqatigiit peqataapput.

Suliffeqarfissuarmi ilinniartitaanermut ingerlatsisup Royal Greenlandimi ilinniarfissat periarfissat pillugit saqqummiussinermini kalaaliminernik eqqugassanik eqquiniaatitsivoq, saqqummiussinermilu peqataasut 55-iusut internetikkut unamisitsineq Kahoot atorlugu unannisitsisoqarnerani ajugaasoq Ida Kleist juulleriartornerani kalaaliminernik illinnaqisunik karsinik eqquivoq.

Århusimi suliffeqarfiit nittarsaassineranni Royal Greenlandimi suleqatigiit peqataasut tassapput: Suliffeqarfissuarmi Sulisoqarnermi Ingerlatsisoq, Christian Laursen, Royal Greenlandip suliffeqarfik suleqatigisaani VMS Groupimi sulilluni misiliisoq, Hans Kristian Hansen, Suliffeqarfissuarmi ilinniartitaanermut ingerlatsisoq; Inga Dora Markussen, maskiistitut ilinniakkaminik naammassinneqqammisoq, Ole G. Jensen, Sulisoqarnermi siunnersorti, Line Poulsen, kiisalu Nunani tamalaani niuerneq pillugu aamma niuerfinni tuniniaaneq pillugu ilinniartoq, Malu Laursen maanna Royal Greenlandip immikoortortaani Svenstrupimiittumi sulilluni misiliisoq nittarsaassinermi peqataapput.

Århusimi suliffeqarfiit nittarsaassineranni Royal Greenlandi sinnerlugu peqataasut assingi aamma unammistsinermi peqaasut assinga ataani takuneqarsinnaapput.

Asseq

 
 

Royal Greenland aperiguk

i
Write the text from the image