- Februarimi qerinasuartitsiviit nutaat marluk ikkussuunneqartussaaneranut atatillugu tunisassiorfik novemberip qulingiluaaniit 20-iata tungaanut matoqqavoq; kisianni novemberik 21-iani tunisineq ammaqqippoq, taama oqarpoq Saqqami tunisassiorfiup ingerlatsisua, Mathias Nielsen.

Februarimi qerinasuartitsiviit marluk ikkussuuneqartussaanerat pissutigalugu tunisassiorfimmi ulluni qulini sanaqqiisoqarnerani tunitsiviup tunisassiorfiullu akornanniittoq iigaq peerneqartoq, tunisassiorfiup ingerlatsisuata oqaatigaa.

Pingasoriaataat qeritinneqarsinnaalissapput

- Qerinasuartitsiviit qanganisaanerusut marluk maanna atuupput, taakkuninngalu qalerallit tunisat tonsit tallimat missingi ullormut qeritissinnaavagut. Qerinasuartitsiviillu nutaaliaanerusut ikkussuutereerlutik atuutilerpata 15 tonsit pallillugit ullormut qeritissinnaalissavavut, Mathias Nielsen oqarpoq.

Ulapaarfiup nalaani tunisassiorfimmi sulisut aqqaniliusarput. Maanna ukiuunerani sulisut arfineq marluusut akornanni tunisassiorfimmi sanaqqiisoqarnera pissutigalugu sulisut pingasut angerlartinneqarput.

- Aalisartut tuniseqqittalerpata sulisuvut tamarmik sulileqqissapput, kisiannili maannakkut qilalugarniartoqarnera pissutigalugu oqaatigiuminaappoq qaqugu aalisartut tuniseqqilissanersut, ullumili tunisinnaalerput, Mathias Nielsen oqarpoq.

Ukioq manna Saqqami tunisassiorfimmi containerit qerititsiviit nutaat marluk atuutilersinneqartut sanaqqiisoqarnerani aamma qallerneqarput.

Qerinasuartitsiviit marluk februarimi ikkussunneqarnerisa nalaani tunisassiorfimmi sulisut pikkorissartinneqarnissaat sulissutigineqarpoq.

Allattoq: Inga Egede, ineg@royalgreenland.com

Assit: RG

Asseq

 
 

Royal Greenland aperiguk

i
Write the text from the image