- Nunatsinni tunisassiat atorlugit mamartunik nerisassiortarnerup ineriartortinneqarnera tapersersoratsigu iggarinneqqusaatitsinermi iganermi atortussianik tapiissuteqarpugut. Igasut igasunngorniallu pikkorilluinnartut INUILI-mi iggarinneqqusaannermi peqataasussaapput, taakkulu nunatsinni tunisassianik peqqinnartunik atuineq siunissami annertusarsinnaavaat, taama oqarpoq nunatsinni tunisassianik tuniniaavimmi ingerlatsisoq, Malik Hegelund Olsen, nangippporlu:

- Nunatsinni tunisassiat atorlugit nerisassiorneq periarfissarpassuaqarpoq, taammaattumik taakku periarfissat ingammik inuusuttunut takutissallugit pingaaruteqarpoq. Taapiissuteqarnitsigut igasunngorniarnut inuusuutunullu allanut nunatsinni tunisassianik atuilluni iganeq soqutiginarsarlugu takutikkusupparput.

Ulapaarluni iluaraa

Royal Greenlandimi igasoq, Sune Bjerre, ukioq manna INUILI-mi iggarinneqqusaannermi peqataasussap iggarinneqqusaalluni unammisitsinermi saattussat, uiluiit, raajat qalipaajakkat, raajat qalipallit, raajat ooqanngitsut aammalu avaleraasartuut Royal Greenlandimiit tunniunneqartut iganermini atorsinnaanissaanut periarfissaqarami nuannaarutigaa:

- Ulluinnarni Royal Greenlandimi igatillunga tunisassiat atortartakka atorlugit iganissannut periarfissaqassallunga neriuutigaara, Sune Bjerre ullumikkut iggarinneqqusaalluni unamminissap aallartinnissaanut qilanaaqisoq oqarpoq.

- Allartinnissaq qilanaareqaara, igasummi ulapaarfiup nalaani sulineq nuannarinerpaasarpaat, Sune Bjerre, Kalaallit Nunaanni iggarinnerpaat pingasut akornanniilernisssaminut neriuuteqartoq oqarpoq.

- Iggarinnerpaat pingasut akornaniinnissara naatsorsuutigaara, kisiannili suna igasssanerlutigu suli nalugatsigu qanorluunniit pisoqarsinnaavoq. Qilanaaqaanga aamma qularinngilara unammiuaarnissarput nuannissaqisoq, unammiuaartitsisarnermi ukiup ingerlanerani pisartut nuannernerpaartarisarmassuk.

Iggarinneqqusaannermili unaamiuaarnerup aallartinnerani aatsaat iganermi atortussat suunersut paasisussaallugit qanormita piareersarneq ingerlasarpa?

- Pingaaruteqarpoq aallartinnginnermi igasinnaasaat suusinnaasut tamaasa pilersaaruteqarfigereernissaat. Unamminermi akunnerit sisamat piffissaritinneqartut qanoq atussanerlugit pilersaarusioqqissaartarpunga, pilersaarusiamalu maleqqissaarnissaa aalajangiisuulluinnartarpoq, Sune Bjerre oqarpoq.

Royal Greenlandimi igasunngorniarluni ilinniartoq, Jakobine Poulsen, ippassaq sisamanngornermi igasunngorniat iggarinneqqusaanneranni peqataavoq, Sune Bjerrelu igasut ullumi unammineranni peqataalluni. Igasunngorniat igasullu iggarinneqqusaaneranni ajugaasut kikkuuneri unnugu nalunaarutigineqassaaq.

Allattoq: Inga Egede, ineg@royalgreenland.com

Assit: Anna Marie Knudsen & Inga Egede

Asseq

 
 

Royal Greenland aperiguk

i
Write the text from the image