Aningaasarsiornerup pitsaasumik ingerlanerata iliuusissatut pilersaarusiap The North Atlantic Championip patajaatsuuneranik naqissuserneqarpoq.

Europami aalajangersimasumik niueqatigisartakkanik niueqateqarnerup iluanaarutikiffiunera pissutigalu piviusunngunngitsup nutarterneqannginneranik pissuteqartumik kaaviiaartitat 7 %-inik appariarput.

Royal Greenlandilli pingaarnertut tunisassiai – raajat qalipallit, raajat uusut qalipaajakkallu, qalerallit aammalu issittup saattuai tamarmik siuariarfiupput. Pingaartumillu raajat uusut qalipaajakkallu aammalu issittup saattuai angusaqarfiulluinnarsimapput.

- Raajanik uusunik qalipaajakkanillu tunisaqarneq ukiuni kingulliunerusuni akitigut appariarfiusimallunilu tuluit aningaasaasa nalingisa appariarnerannik sunnerneqarsimagaluartoq tunisinermi akitigut qaffariartorfiummata tunisatigut qaffariaateqarfigisinnaasimavagut, pisortaaneq Mikael Thinghuus naliliivoq.

Erseeqqissaatigineqassaaq Royal Greenlandip angusatigut ukiup ingerlanerani ineriartortitsinera piffissanit aalisarfiusunit tunngaveqarluinnartarmat.

Akiitsut qaffariarput patajaassuserlu pitsanngoriarluni

Aningaasat ingerlatsinermi atukkat aningaasaliissutillu amerlanerulermata akiitsut erniallit annertusinerannut tunngaviupput. Akiitsut 1.653 millioner koruuniupput siorna piffissami taamaasinerani 1.480 millioner koruuniusimasut. Taamaakkaluartoq patajaassuseq 2017-imi piffissap taamaasinerani 31,8-simagaluartoq ukioq manna 33,6-inut pitsanngoriartinneqarpoq.

Piginneqatigiiffiup kilisaatitaassaa siulleq 2019-imi maajip qaammataani singinneqassaaq, aappaalu 2019-imi novembarimi singinneqassalluni. Kilisaatit taakku kilisaatigineqareersunut marlunnut taarsiutaasussaapput, aappaa saarullinniarnermi qaleralinniarnermilu kilisaataassalluni tamatumalu saniatigut aalisakkat perlukuinik qajuusiorsinnaassallunilu aalisakkat orsuannik tunisassiorsinnaassaaq. Kilisaatitaassap aappaa raajarniutitut qaleralinniutitullu tapertariissitsilluni kilisaatiliarineqarpoq.

2018-ip sinneranut ilisimagisat

Royal Greenlandip niuernikkut ineriartorluarnera suliffeqarfiup ukiuni kingullerni arfineq-marlunni piviusunngortissinnaasimasaa attatiinnarneqassangatinneqarpoq. Taamaattorli aalisarnermi akitsuutit qaffariarnissaat nunallu allat aningaasaasa nalingisa appariarsinnaanerat pissutigalugit 2018-imi akileraannginnermi angusat 2017-imi angusanit appasinnerulaassangatinneqarput.

Asseq

 
 

Royal Greenland aperiguk

i
Write the text from the image