Royal Greenlandip kilisaateqarfiani ingerlatsinermi ataqatigiissaarisoq Mikkel Krogh Søndergård aamma sulisoqarnermut immikkoortortaani sulisoqarnermi siunnersortaasartoq Tina Hansen Royal Greenlandip Ilisimatusarfimmi nittarsaassiviani saqqummiipput, taakkulu atorfitsik taamatuttaaq suliffiit neqeroorutigineqarsinnaasut pillugit ukioq manna saqqummiipput.

- Atorfinnik nittarsaassinermut orniguttut amerlassusaat eqqarsaatigalugit soqutiginnilluartoqarpoq. Tamatumani ilaatigut nittarsaassivipput atorfinnik nittarsaassinermi nittarsaassiviusunit kusanarnerpaat ilaanniittoq ilaatigullu Royal Greenlandimi atorfivut pillugit saqqummiinitsigut neqeroorutivut erseqqissut taamatuttaaq Paamiuni Maniitsumilu tunisassiorfinni ilinniagaqarluni ikiortitut aasaaneraniluunniit sulisutut suliffigineqarsinnaasut pillugit neqeroorutivut erseqqissut soqutiginnilluartoqarneranut tunngaviugunarput.

Mikkel Krogh Søndergårdip Tina Hansen peqatigalugu atorfinnik nittarsaassinermi 2018-imi ingerlanneqartumi aamma peqataasup neriuutigaa suliffeqarfinnik nittarsaassisarneq siunissami ineriartortinneqarlunilu ilinniartunut, suliffissarsiortunut sulisitsisunullu iluaqutaajumaartoq.

- Ilisimatusarfiup suliffeqarfinnik nittarsaassinermik ukioq manna aammaartumik aaqqissuusseqqinnera nuannaarutigaarput. Neriuppugut suliffeqarfinnik nittarsaassisarnerup ilinniartunut, suliffissarsiortunut sulisitsisunullu iluaqutaasumik sunniuteqarluartarnissaa siunertaralugu aaqqissuussaq ineriartortinneqartuarsinnartarumaartoq. Ilinniartunut ilinniarsimasunullu tamanut neqeroorutigisartakkatta siammarternerusalernissaat eqqarsaatigalugu neriuppugut suliffinnik nittarsaassineq aappaagu ingerlanneqarpat Nuummi ilinniartoqarfinnit allaneersunit soorlu Ilinniarnertuunngorniarfimmeersunit aamma Niuernermik Ilinniarfimmeersunit peqataasut amerlanerujumaartut.

Ilisimatusarfimmi nittarsaassinermit assit ataani takuneqasinnaapput.

Allattoq assiliisorlu: Inga Egede, ineg@royalgreenland.com

Asseq

 
 

Royal Greenland aperiguk

i
Write the text from the image