Isak-Erik Kristoffersen, 25-nik ukioqartoq ullumilu 2019-imi decembarip 19-iani Imarsiornermik Ilinniarfimmi Nuummiittumi 1. gradimik angallammi naalakkatut ilinniakkamik naammassinnittoq taamak oqarpoq

Isak-Erik Royal Greenlandip kilisaataataata ilaanni aqumiussatut atorfinitsinneqassaaq.

- Royal Greenlandip kilisaataataani aqumiussatut sulinissannik periarfissinneqarnera nuannaarutigaara. Siunissami umiarsuarni anginerni assigiinngitsuni tamani naalagaasinnaaniassagama umiarsuup naalagaatut ilinnialeqqinnginninni umiartorlungalu misilittakkanik katerseqqaarusuppunga, Isak-Erik, imarsiornermik inuuniuteqarnerup silarsuaani ilinniagaqarumalluni nammineq iliuuseqarsimasoq taamak oqarpoq.

- Siullertut Imarsiornermi Ilinniarfimmi Paamiuniittumi tunngaviusumik ilinniarneq ingerlappara. Kingorna qalulerisunngorniarpunga Royal Greenlandillu kilisaataataani Qaqqatsiami inuttanngorlunga. Taava Imarsiornermik Ilinniarfimmut Nuummiittumut qinnuteqarpunga, 2018-imilu 3. gradimik umiarsuup naalagaatut ilinniarpunga. Massakkut 1. gradimik umiarsuup naalagaatut ilinniagara 2019-imi januaarimi aallartippara, Isak-Erik Kristoffersen, tulluusimaarpaseqaluni ima naggasiivoq:

- Tassunga killinnera misigisaq nuanneqaaq. Meeraallungali sinnattoraara.

Isak-Erik Kristoffersen aqumiutut ilinniarsimasut najugaqavissut ukiuni kingullerni marlunni Royal Greenlandip kilisaataataani atorfinitsinneqartut 14-issaraat.

Ullumi 19. December 2019 Imarsiornermi Ilinniarfimmi ilinniakkaminnik naammassinnittut qulit allagartartaartinneqarneranni Artisk Kommandop ilinniartumut tunniusimasumut nersornaasiissutaa Isak- Erik Kristoffersenimut tunniunneqarpoq.

Allattoq: Inga Egede, ineg@royalgreenland.com

Asseq: RG

Asseq

 
 

Royal Greenland aperiguk

i
Write the text from the image