Bussit Sømandshjemip tungaanut utimullu ingerlaartut illoqarfup qeqqa aqqusaarlugu aamma Aqqusinersuaq H.J. Rinksvej, Tuapannguit, Kuussuarlu aqqusaarlugit nalunaaqutaq 16:30-imiit 18:30 tungaanut ingerlaartut ilaaffigalugit ilaquttatit ikinngutitilluunniit ilagalugit Unnuk Kulturisiorfimmi Royal Greenlandimi pisoqarfiusut ornissinnaavasi.

Unnuk Kulturisiorfimmi Royal Greenlandimi pisussat sumiiffinni assigiinngitsuni pingasuusuni ingerlanneqassapput. Ilaquttatit ikingutitilluunniit ilagalugit kilisaat Tuugaalik takuniarsinnaavarsi, tunisassiorfimmi fiskedamerlusi aalisakkanik tunisassianik eqquisinnaavusi aamma Royal Greenlandip allaffeqarfiani mamartunik nerisinnaavusi taamatuttaaq aalisakkanik tunisassianik illinnartunik eqquinissassinnik periarfissaqarlusi.

Nerigit eqquillutillu

Nalunaaqutaq ualikkut pingasunut kilisaat Tuugaaliup ikaartarfii ammarneqassapput unnukkullu arfineq marluk tungaanut kilisaat nutaaliaalluinnartoq takornarniarneqarsinnaassaaq. Aamma kilisaammi takornariarnissinni kilisaatip igasuata pisaminnik igaavi ussersinnaavasi.

Kingorna Royal Greenlandip tunisassiorfianut pulaarlusi fiskedaminik aalisarlusi allatullu pinnguaatinik pinnguarlusi Royal Greenlandip aalisakkanik tunisassiaanik eqquisinnaavusi aamma ussigassanik tamussersorsinnaallusi.

Aamma Royal Greenlandip allafeqarfianut pulaarsinnaavusi tassanilu Royal Greenlandip kilisaataataani officeritut ilinniarsinnaanermut tunngasunik paasissutissanik pisinnaavusi, taamatuttaaq Royal Greenlandip kilisaatissai Avataq aamma Sisimiut pillugit videomik isiginnaarsinnaallusi. Ilaquttatit ikinngutitilluunniit ilagalugit Royal Greenlandip allaffeqarfianut pulaarnissinni Tip 13-imi immersuillusi eqquiniaaqataagussi aalisakkanik tunisassianik illinnarluinnartunik eqquinisssamut aamma periarfissaqarpusi, kingornalu Royal Greenlandimi igasup igaavinik mamartunik nereqqaarlusi Nuummi Unnuk Kulturisorfimmi pisut alakkartersinnaavasi.

Unnuk Kulturisiorfimmi Royal Greenlandimi pisut, tassalu kilisaat Tuugaalimmi pisut, tunisassiorfimmi pisut aammalu Royal Greenlandip allaffeqarfiani pisut arfininngorpat januarip 19-iani nalunaaqutaq 15:00-imiit 19:00 tungaanut orninneqarsinnaapput.

Nuannaarlusi aggerisi uagut tikilluaqqussavassi

Allattoq: Inga Egede, ineg@royalgreenland.com

Asseq: RG

Asseq

 
 

Royal Greenland aperiguk

i
Write the text from the image