- Tunisassiorfiup natii iluarsartuunneqassammata marsip aqqarngata tungaanut tunisassiorfik matoqqagallassaaq. Tunisassiorfiup matoqqanerata nalaani aalisartut qaleralinnik qerisunik tunisisinnaapput, taama oqarpoq Qasiginnguani Royal Greenlandip tunisassiorfiani ingerlatsisoq; Hans Grønvold.

Pikkorissarnerit assiginngitsunik imaqarput

Royal Greenlandip Qasigianguani tunisassiorfiata matoqqanerani sapaatip akunneq una aallartittoq aallarnerfigalugu sapaatit akunnerni arfinilinni, tassa marsip aqqarngata tungaanut sulisut pikkorissartinneqassapput. Royal Greenlandimi sulisoqarnermut immikoortortaqarfik aamma Qeqertallip Kommunea suleqatigiillutik pikkorissarnerit aaqqissuullugillu ingerlatissavaat.

- Tunisassiorfiup matoqqanerata nalaani sulisorisatta pikkorissarnerit tamatigoortunik imallit ingerlatissavaat. Sapaatip akunnerani siullermi sulisut eqimattanut pingasunut agguataarlutik “Suliffeqarfimmi allanilu attaveqaqatigeeriaatsit patajaallisakkit”-mik qulequtaralugu pikkorissartinneqassapput. Pikkorissartut ilaatigut pissusilersornerup misigissutsitigut imminullu ilisarinermut taamatullu inunnut attaveqarfigisanut qanoq sunniuteqartarnersoq paasisaqarfigissavaat, tunisassiorfiup ingerlatsisua oqaluttuarpoq.

Qasigiannguani tunisassiorfimmi sulisut sapaatit akunnerni arfinilinni, tassa sapaatip akunnera arfernganiit aqqarngat ilanngulligu- pikkorissarnerit assigiinngitsunik imaqartut ingerlatissavaat. Pikkorissarnerit taakku “Campus Qasigiannguit” – imik qulequtaqarput. Ilaatigut Royal Greenlandimi naleqarnerulertitsinissamik sulinutinut tunngasunik, aningaasarsiatigut isumaqatigiinniartarnernut tunngasunik, sinniiseqartarnernut tungasunik, suliffimmi isumannaallisaanikkut pissutsit aamma ataatsimoorussilluni kivitseqatigiittarnernut tunngasunik pikkorissartinneqassapput.

- Pikkiorissarnerit taakku Royal Greenlandimi sulisoqarnermut immikkoortortaqarfiup Qeqertaliup kommunea suleqatigatigalugu ingerlatissavaat. Sulisut aamma aningaasaqarnertik pillugu pikkorissartinneqassapput. Pikkorissarneq taanna Grønlandsbanki suleqatigigalugu ingerlanneqassaaq, Hans Grønvold oqaluttuarpoq.

Sapaatip akunnerani kingullermi tunisassiorfiup matoqqanerata sapaatip akunnerani siullermi Qasigiannguani sulisut illoqarfiup timersortarfiani susassaqartinneqarput, ilaatigut illoqarfimmi utoqqaat timersoqatigiiffiani ilaasortat unammiuaaqatigivaat.

Qasigiannguani tunisassiorfiup matoqqanerata nalaani , tassalu marsip aqqarngata tungaanut aalisartut tunisassiorfiup qerititsivissuani tunisisassapput.

Qasiginnguani tunisassiorfimmi sulisut sapaatip akunnerata siuliani illoqarfiup timersortarfiani suassaqartinneqarneranni assilisat takuneqarsinnaapput.

Allattoq: Inga Egede, ineg£royalgreenland.com

Assit: Hans Grønvold

Asseq

 
 

Royal Greenland aperiguk

i
Write the text from the image