Royal Greenlandi ilinniakkamik naammassinnittartunik ukiut tamaasa ilinniartorpassuaqartarpoq, taamaattumik ilinniartorisani ilinniakkamik naammassinnikkaangata persuarsiortarpoq. Ilinniartorisai ilinniakkaminnik naammassinnittussat ukioq manna arfiniliupput, taakkunanilu tallimat ilinniarfigisaminnit ullumikkut 2019-imi sisamanngorneq juunip 20-ani soraarummeernermut allagartartaarput.

Ilinniakkamik naammassinnittut ukuupput:

Malu Laursen, nunani tamalaani niuerneq aamma niuernermi tuniniaaneq pillugit AU-tut ilinniakkamik ingerlatsinerminut atatillugu Royal Greenlandip nunatsinni tunisassianik tuniniaaviani taamatuttaaq Svenstrupimi Danmarkimiittumi Tokyomilu Japanimiittumi tuniniaanermut allaffeqarfinni suliffinnik misiliilluni ilinniartuuvoq. Niuernermik nittarsaassinermillu aallussifiusumut suliffissarsiuleruttorpoq.

Nikki Poulsen, allaffissornermik TNI-tut ilinniakkaminik ingerlatsinerminut atatillugu Royal Greenlandip sulisoqarnermut immikkoortortaani suliffimmik misiliilluni ilinniartuuvoq. Nikki mistalitut ilinniartunngornissaminut imarsiornermik HF-tut ilinniarfimmut qinnuteqarpoq.

Pavia Peter Bech, quersualerisutut assartugalerisutullu ilinniakkamik ingerlatsinerminut atatillugu Royal Greenlandip Maniitsumi quersuaani suliffimmik misiliilluni ilinniartuusoq quersuarmi taaneqareersumi atorfinissaaq.

Malik Siegstad, saffiuutut ilinnikkamik ingerlatsinerminut atatillugu Royal Greenlandip Ilulissani teknikkeqarnermut immikkoortortaani suliffimmik misiliilluni ilinniartuusoq immikkoortortami taaneqareersumi atorfinissaaq.

Isak Erik Kristoffersen, 3.gradimik angallammi naalakkatut ilinniakkamik ingerlatsilinnginnermini Qaqqatsiami qaamiutut sulivoq. 1.gradimik angallammi naalakkatut ingerlaqqiffiusumik ilinniartunngussaaq, Lomurimilu aasaanerani inuttaassalluni.

Royal Greenlandip ilinniartorisani soraarummeernermut allagartartaanerannut atatillugu pilluaqqullugillu siunissami iluatsitsilluarnissaannik kissaappai.

Ilinniakkaminnik naammassinnittut suliffimmik misiliinertik naggasereerpassuk immikkoortortami ilinniartuuffigisaminni nalliussineqarumaarput.

Asseq

 
 

Royal Greenland aperiguk

i
Write the text from the image