Uummannami Royal Greenlandip tunisassiorfiani qerisuusiviit ulikkaarmata aprilip 28-iani Uummannami aalisartut Royal Greenlandip tunisassiorfianut tunisinerat matuneqarpoq. Maannali Royal Arctic Linep assartuutaasa Uummannap eqqaani siku aserorterlugu assartuimmata qerisuusiviit imarisaat ilanngarneqarmata aalisartut tunisisinnaanngoqqipput.

- Qerisuusiviit imarisaasa ilaat Royal Arctic Linep assartuutaannit assartorneqarmata aqagu sisamanngorneq aalisakkanik tigooraasinnaalissaagut, Uummannami Royal Greenlandip tunisassiorfiani ingerlatsisoq Kirsten Kristensen Worm oqarpoq.

Tunisassiorfimmi ingerlatsisoq oqarpoq aalisartut tunioraanerat tunisassiorfimmi sulisut qaqagu tunisassioqqilissanerannut aalajangiisuussasoq.

- Mannakkut sulisut amerlanerpaartaat pikkorissarput. Pilersaarutaagaluarpoq sulisut sapaatini akunnerni tallimani pikkorissassasut, kisiannili pissutsit allanngormata sulisutta affaasa missingi ulluni aggersuni tunisassiorfimmi tunisassiulernissaat naatsorsuutigaara, Kirsten Kristensen Worm oqarpoq.

Nunaqarfimmi Ukkusissani qeritsitivik ulikkaareerpoq Ikerasannili Sattunilu qerititsiviit suli ulikkaanngillat. Uummannap Kangerluani siku aassimalerpat aatsaat nunaqarfinni qerititsiviit imaarneqassapput.

Allattoq: Inga Egede, ineg@royalgreenland.com

Assit: Kirsten Kristensen Worm

Asseq

 
 

Royal Greenland aperiguk

i
Write the text from the image