Igitassat Maniitsup eqqaani immamut igitsiffissaanut Oqartussaasunit akuersissuteqarfiusumut assartuunneqassapput. Akuersissut RG-p pissarsiariniassallugulu assilinera angallammi eqqaanermut ingerlatsisuni akisussaasumut tunniutissavaa. Eqqaanissamut akuersissuteqarfiunngitsumut eqqaaneq qanoq ilisukkulluunniit akuerisaanngilaq.

Eqqagassat kariniittut 400kg tikillugit oqimaassuseqartut assartuunneqassapput. Eqqaaneq angallammit angalanissamut/eqqaanissamut naleqqulluartumit, siunertamullu akuersissuteqartumit ingerlanneqassaaq. Akuersissut pineqartoq RG-p takuniarlugu piumasaqarsinnaavoq.

Usilersorneq imaakkanillu usingiaaneq RG-mit ingerlanneqassapput. Angallatip inuttai pisariaqartillugu ikiuuttassapput. RG-mit piffissaqartitsilluni eqqagassanik assartuinissaq qaqugu pissanersoq nalunaartoqartassaaq.

Ukiumut ataatsimut arlalinnulluunniit eqqagassat taaneqartut pillugit isumaqatigiissusiortoqarsinnaavoq. Igitassat ukiumut ammerlassusiisa 1500 tons tikissinnaasarpaat, januaarimit apriili ilanngullugu qaleralinnit eqqagassat, maajimiit qaammat novembari ilanngullugu saarulliunerusut eqqagassartaat iginneqartassapput. Ukiup ingerlanerani eqqaaneq taaneqartumit eqqakkanik atorluaanerup kingunerisaanik minnerusinnaavoq. Suliassaq 2019-imi decembarip aallaqqaataani aallartissaaq. Paasissutissat allat pillugit siunnersorti Lauritz Kreutzmann, e-mail: lakr@royalgreenland.com paasiniaaffigineqarsinnaavoq

Neqeroortussap atini suliffeqarfimmiluunniit atia, adressea, angallatip atorneqartussap suunera/angissusia, karimut ataatsimut igitassanik imalimmut akigititassatut neqeroorut allaganngorlugu Siunnersorti Lauritz Kreutzmann-imut toqqaannartumik imaluunniit email-ikkut kingusinnerpaamik   28. november 2019 tunniunneqassaaq.

RG neroorutigineqartut akornanni imaluunniit tamaasa atorsinnaanngitsutut naliliiffigisinnaallugit imminut pisinnaatippoq.

 

 

  1. november 2019

Royal Greenland A/S

Asseq

 
 

Royal Greenland aperiguk

i
Write the text from the image