Kattuffik Mind Your Own Business 2019-imiilli nukappissat nunatsinneersut suliamut piginnaasaasa inuillu akornanni pissusaasa nukittorsaavigineqarnissaannik suliniummik misileraaffiusumik siunertalimmik ingerlatsivoq. Inuussutissarsiornikkut ilitsersuisut nunatsinni suliffinnit assigiinngitsuneersut suliniummut misileraaffiusumut peqataapput, suliniutillu iluatsilluarnerata kingunerisaanik suliniummik suli ataatsimik ingerlatsinissaq ukiamut aallartinneqartussaq massakkut pilersaarusiorneqarpoq.

Royal Greenland ingerlatsinissamut pineqartumut peqataassagami suleqatigiinnissamik Mind Your Own Business atsioqatigeqqammerpaa. Nukappissat nunatsinneersut eqimattat tulliit suliniummut peqataasussat pillugit inuussutissarsiornikkut ilitsersuisoqartinnissaat isumaqatigiissutaavoq. Royal Greenlandimit ilitsersuisut tassaassapput Kilisaateqarfimmeersoq Agathe Dahl Thorleifsen, Nunatsinni tunisassianik tuniniaavimmeersoq Nick Johansen aamma tuniniaanermut pisortaq Malik Hegelund Olsen.

Inuussutissarsiornikkut ilitsersuisut taakku pingasut nukappissat suliffeqarfeeqqamik ingerlatsinermik siunnersorlugillu malittarissavaat, taamaalillutillu siunissami ilinniarnissaannut suliffeqarnissaannullu kajumissaarlugillu isummersussallugit.  

Royal Greenlandimit suliniummut siunertamullu pitsaalluinnartumut peqataanissarput qilanaaraarput.

Sara Biilmann Egede
sabi@royalgreenland.com

Asseq

 
 

Royal Greenland aperiguk

i
Write the text from the image