Royal Greenlandip maannamut kilisaataatimini annerpaaq, Avataq, 2020-mi Unnuk Kultoorisiorfimmut atatillugu atertaartinniarlugu aalajangerpoq. Tamanna innuttaasut kilisaat kusanarluinnartoq, paarlakaattumik raajarniartussatut qaleralinniartussatullu sanaajusoq, takornariarsinnaanissaannut periarfissikkumallugit pissaaq. Avatap ikaartarfia takornarissanut ualikkut nalunaaqutaq pingasunut ammarneqassaaq, takornarissallu inuttanit tikilluaqquneqassapput. Inuttat umiarsuaq atortullu nutaaliaalluinnartut nittarsaallugillu tamulugassanik sassaalliissapput.

Avataq takornariareerussiuk Umiarsualivimmi quersuatoqqami aappaluttumi Royal Greenlandip 2020-mi Unnuk Kultoorsiorfimmi sammisassarititai allat alakkarsinnaavasi. 

Tassani aalisarneq tunisassiassallu immamiit nerrivimmut aqqutaat pillugu Royal Greenlandimi Kilisaateqarfimmit, Nunami tunisassiorfinnit, Pitsaassusilerinermi Immikkoortortamit, Qullersaqarfimmit Nunatsinnilu tunisassianik tuniniaavimmit suleqativut peqatigalugit nittarsaassissaagut.  Suleqatitta tunisassiat nunani tamalaani niuerfinnut nassiutinnginnerini naleqalersitsineq siunertaralugu suliatik oqaluttuarissavaat.

Quersuarmi aappaluttumi takusaasut, meeqqat, inersimasut utoqqaallu Nuup eqqaani tunisassiassanik attorsinnaasaminnik nittarsaassiffigineqassapput. Aamma meeqqanut sammisassaqarlunilu unammisitsisoqarumaarpoq, unammisitsinermilu Royal Greenlandip tunisassiaatai pitsaalluinnartut eqqorneqarsinnaapput.

Avatamut Royal Greenlandillu quersuarmi aappaluttumi umiarsualivimmiittumi nalunaaqutaq pingasuniit arfineq-marluk tungaanut sammisassarititaanut takusaasut tamarmik kissartutugassanik sassaalliiffigineqarlutillu Avatap atertaartinneqarneranut tunngatillugu qummoroortarnersuaqarnissap takunissaanut periarfissaqassapput.

Illit, ilaquttatit, ikinngutitit kiisalu Nuummi innuttaasut allat Royal Greenlandip 2020-mi Unnuk Kultoorisiorfimmi nalunaaqutaq ualikkut pingasuniit unnukkut arfineq-marluk tungaanut sammisassaqartitsinissaanut takusaanissannut matumuuna tikilluaqqusaavusi.

Asseq

 
 

Royal Greenland aperiguk

i
Write the text from the image