Aalisariutit avataasiortut

Royal Greenlandip avataasiutai raajarniutitut aalisariutitullu aamma raajanik aalisakkanillu tunisassiorfittut naleqqussarlugit atortulersugaapput. Raajat qalipallit kilisaatini uunneqarlutillu qeritinneqartarput. Aalisakkat saaniiarneqartarput pitsavissuanngorlugillu tunisassiareriarlugit imaluunniit nunami suliareqqitassanngorlugit ilivitsuutillugit saleriarlugit kilisaammi qeritinneqartarput.

Kilisaatit Kalaallit Nunaata imartaani Barentshavet-milu raajarniarlutik, qaleralinniarlutik, saarullinniarlutik, makrelerniarlutik, saarulliit ilaannik kullerinik sejinillu taaneqartartunik pisaqarniarlutik suluppaagarniarlutillu aalisartarput.