Atorfinitsitsiniarnermi periuseq

Sulisut pikkorissut qinnuteqarusulersittarnerat sulisoriinnarnissaallu iluatsitsinitsinnut ineriartornitsinnullu aalajangiisuupput.

Inuit atorfinnut naleqquttut piffissaatillugu atorfinitsinneqartarnissaat qulakkeerniassallugu Royal Greenlandip siunertaraa. Atorfinitsitsiniarnermi periuutsip aamma qulakkeertarpaa Royal Greenlandimi atorfiit pillugit paasissutissat ilinnut tunniunneqartut oqaloqatiginninnerillu ingerlanneqartut aallaavigalugit illit ilinnut eqqortumik aalajangiinissat. Tamannarpiaavorlu pissutaasoq suliffeqarfiup nammineq noqqaassutimi illit piginnaasannut naapertuunnersut paasiniassallugu nukippassuit atortarmagit. Illuatungeriinnut tamanut iluaqutaasussaq.

Qinnuteqaativit suliarinera

Qinnuteqaatit tigugutsigu tigunera uppernassassavarput allakkatigut emailikkulluunniit. Qinnuteqarnermik suliaqartup qinnuteqaatit atuassavaa, tunuliaqutarisatillugu inuttassarsiuunneqartumut naapertuuppata oqaloqatigineqarnissannut aggersarneqassaatit.

Misilitsinneq

Atorfik qinnutigisaq apeqqutaatillugu oqaloqatigineqarnissamut aggersarneqarnissat sioqqullugu qinnuigineqassaatit immersugassap qarasaasiakkut aasassap immersornissaanut. Atorfinitsitsinermut atatillugu misilitsinnerit assigiinngitsut atornissaannut akuerisaavugut. Immersukkat taakku takutitaat oqaloqatigiinnermi aallaaviusarput. Ilinnut immersoqquneqartut pillugit soorunami aamma utertitsiffigissavatsigit.

Naapilluni oqaloqatiginninnerit 

Atorfiup inuttassarsiuunneqartup inissisimaffiani immikkoortortami pisortaq aammal sulisoqarnermut immikkoortortameersoq peqatigalugit naapilluni oqaloqatiginninnerit ingerlanniarneqartarput. Periarfissalli tamatigut apeqqutaasarmata aaqqissuussinerit allat atorneqartariaqartarsinnaapput. 

Piffissaqarluarluni oqaloqatiginninnikkut atorfik pillugu ilisimatinneqarnissat illillu inuttut suliatigullu piginnaanitit pillugit ilisarinerulernissat siunertaavoq.

Inuit innersuussat

Atorfinitsitsiniarnermi kingulliullugu inuit siusinnerusukkut atorfigisimasanni sulisut illit innersuussatit paasiniaaffigineqartarput. Taakku atornerat eqqarsarluaqqaarnikkut pisarpoq taamaaliornerlu mianersuunneqartarluni. 

Toqqaaneq

Atorfinitsitsiniarnernmi aqqusaakkat assigiinngitsut aallaavigalugit qinnuteqartoq atorfimmut piukkunnarnerpaatut naliliiffigisarput toqqagaasarpoq.

Itigartitaassaguit  

Qinnuteqaatit iluatsinngitsoorpat kingusinnerusukkut qinnuteqarnissannut tikilluaqqusaavutit.

Paasissutissanik pissarserusukkuit

Atorfinitsitseriaaserput pillugu apeqqutissaqaruit sulisoqarnermut immikkoortortaqarfik saaffigissallugu tikilluaqqusaajuaannarputit.