Atuartunik pulaartoqarneq

Royal Greenland nunatsinni 38-nik tunisassiorfeqarlunilu tunitsiveqarpoq, ukiullu 2020-ip ingerlanerani illoqarfinni nunaqarfinnilu taakkunani meeqqat atuarfianni 3. – 6.- aamma 8.klassini atuartut qaaqqusissummik nassinneqassapput.

Royal Greenlandip suliffeqarfimmi sunik suliaqartarnersugut inuiaqatigiinnullu qanoq sunniuteqartarnersugut oqaluttuarerusuppaa.

Meeqqat atuarfiini atuartut Royal Greenlandip tunisassiorfiinut qaaqqunissaat pillugu suliniuteqarneq Qaqisap atuarfinnik suliffeqarfinnillu suleqateqarneranut atatillugu aaqqissuunneqarpoq. Suliniut pillugu www.csr.gl-imi paasisaqarsinnaavutit.

Atuartut tunisassiorfimmi tunitsivimmiluunniit pulaarnerminni tunisassiorneq pillugu takusaqarsinnaallutillu, sulisunik naapitsisinnaallutillu nunatsinni nunanilu tamalaani atorfiniffiusinnaasut pillugit oqaluttuunneqassapput.

Atuartut Royal Greenlandip qanoq ingerlariaaseqarneranik suliffeqarfimmilu periarfissat pillugit paasisaqartikkumallugit klassini sorlerni atuartuunerat tunngavigalugu soqutiginartunik sammisassaqartinneqassapput.

Royal Greenlandip Qaqisamut tunngatillugu suliniutaa pillugu paasisaqarnerorusukkuit Sulisoqarnermi immikkoortortaq mailikkut; hrgl@royalgreenland.com allaffigalugu imaluunniit oqarasuaatikkut + 299 361300-imut sianerfigalugu saaffiginninnissannut tikilluaqqusaavutit.

Ilitsersuutit videoliat uani takukkit:

 
 

Royal Greenland aperiguk

i
Write the text from the image