SULIFFIUP AVATAATIGUT INUUNEQ PILLUGU POLITIKKI
Royal Greenland A/S-i, CVR-nr. 13645183, Qasapi 4, Postboks 1073, GL-3900 Nuuk, taamatuttaaq suliffeqarfissuup ingerlatseqatigiiffiutai allat (kingorna “Royal Greenland”-imik imaluunniit “uagut”-mik taaneqartassapput) ilinnut tunngasunik pisuni assigiinngitsuni paasissutissalerinermut akisussaasuupput (paasissutissalerinermut akisussaasoq).
Isumaqarpugut pingaaruteqartoq paasissutissat ilinnut tunngasut Royal Greenlandimi qaqugukkut atorneqartarnersut ilisimasaqarfigissagit, paasissutissallu ataani allassimasut suliffiup avataatigut inuuneq pillugu politikkimut tunngasut minutsialunni atuarnissaannut kajumissaarpatsigit.
ILINNUT TUNNGASUNIK QAQUGUKKUT PAASISSUTISSALERISARNERPUT AAMMA PAASISSUTISSAT SULIARISARTAKKAVUT PILLUGIT PAASISSUTISSAT
1 Nittartagarput iserfigigukku | Cookiesit atornerisigut, | |
2 Allakkatigut nutaarsiassatsinnikpisalernissannut nalunaaruit | ateq, e-mailadresse, suliaqarfik atorfiullu taaguutaa | |
3 Unammisitsinitsinnut peqataagaangavit | ateq, e-mailadresse | |
| 4 Tunisassiatsinnik pisigaangavit (niueqatigisartakkat) | ateq, e-mailadresse, suliaqarfik, atsiorneq, pisisinnaatitaanermut isumaqatigiissut pillugu uppernarsaat aamma atorfeqarnermi suliassanut nassuiaat | |
| 5 Royal Greenlandimi atorfimmut qinnuteqaruit | Paasissutissat ilinnut tunngasut qinnuteqaatinni, tunuliaquttavit oqaluttuassartaani (cv) il.il. allassimasut |
Ilinnut tunngasunik paasissutissalerisarnerput tamatumanilu inatsisitigut tunngavik pillugit paasissutissat
- Nittartagarput iserfigigukku cookiesit atornerisigut ilinnut tunngasunik paasissutissalerisarpugut. Tamatumunnga atatillugu paasissutissat amerlanerusut Cookie pillugu politikkitsinni atuakkit, cookie pillugu politikki. Inatsisitigut naapertuinissarput qulakkeerumallugu ilinnut tunngasunik paasissutissalerisarpugut, tamatumani nittartakkatta aaqqissuussaaneranik tunisassianillu nittartakkatsinni saqqummiussisarnitsinnik pitsanngorsaanerit pineqarput. Cookie atorunnaaraangat imaluunniit piiarnissaa toqqaraangakku paasissutissat ilinnut tunngasut piiarneqartarput imaluunniit kikkunnilluunniit takuneqarsinnaajunnaartarput.
- Allakkatigut nutaarsiassatsinnik pisalernissannut nalunaaruit tunisassiavut, nerisassiornermut ilitsersuutivut, neqeroorutivut, aggeqqussutivut, unammisitsinivut, pisisartut atugaannik misissuisitsisarnivut il.il. pillugit nittarsaassinermut naqitatsinnik ilinnut nassiussaqarsinnaajumalluta ilinnut tunngasunik paasissutissalerisarpugut. Inatsisitigut naapertuinissarput tassa allakkatigut nutaarsiassatsinnik perusuttakkannik nassiussisarnissarput qulakkeerumallugu ilinnut tunngasunik paasissutissalerisarpugut. Pisarunnaarnissannut nalunaaruit nittarsaassinermut naqitatsinnik pisarnissannut akuersinerit aamma atorunnaarsissavat. Tassa imaappoq, ilinnut tunngasunik paasissutissalerisarunnaarlutalu paasissutissat ilinnut tunngasut piiassavagut imaluunniit kikkunnilluunniit takuneqarsinnaajunnaartunngortissavagut. Paasissutissat akuersininnut tunngasut pisarunnaarnissannut nalunaareernivit kingorna toqqortaatigisinnaavagut.
- Soorlu Facebookikkut, instagrammikkut e-mailikkulluunniit unammitsitsinitsinni peqataagaangavit unammisitsinerit peqataaffigerusussimasatit naammassisinnaajumallugit ilinnut tunngasunik paasissutissalerisarpugut. Inatsisitigut naapertuinissarput tassa unammisitsinerni(mi) peqataaffigerusussimasanni peqataatinneqarnissat qulakkeerumallugu ilinnut tunngasunik paasissutissalerisarpugut. Unammisitsineq naammassineqareerpat paasissutissat ilinnut tunngasut piiarneqassapput imaluunniit kikkunnilluunniit takuneqarsinnaajunnaartunngortinneqassapput.
- Tunisassiatsinnik pisigaangavit illit peqatigalutit imaluunniit suliffeqarfik suliffigisat peqatigalugu isumaqatiissuterput naapertorumallugu ilinnut tunngasunik paasissutissalerisarpugut. Taamaammat isumaqatigiissut peqataaffigisat naapertorumallugu imaluunniit niueqatigiinnitsinnut aamma/imaluunniit sulisitsisut peqatigalugu isumaqatigiissusiornitsinnut atatillugu inatsisitigut naapertuisussaatitaanerput tunngavigalugu isumaqatigiissusiornissarput qulakkeerumallugu ilinnut tunngasunik paasissutissalerinissarput pisariaqarpoq. Tunisassiat pisiatit pillugit suliaq naammassineqarpat imaluunniit isumaqatigiissummik naapertuisoqarnera qulakkeerneqareerpat paasissutissat ilinnut tunngasut piiassavagut imaluunniit kikkunnilluunniit takuneqarsinnaajunnaartunngortissavagut, paasissutissalli naatsorsuusiornermut pisariaqartinneqartut naatsorsuuserinermut inatsit naapertorlugu ukiup naatsorsuuseriffiusup naanerata kingorna ukiuni tallimani toqqortaatigissavagut.
- Royal Greenlandimi atorfimmut qinnuteqaruit qinnuteqartutut naliliiffigisinnaajumallutit taamatuttaaq atorfimmut qinnuteqarfigisannut - imaluunniit atorfimmut allamut inuttaqanngitsumut - piukkunnarnersutit aalajangiiffigisinnaajumallugu ilinnut tunngasunik paasissutissalerisarpugut tassa inatsisitigut naapertuisarpugut. Qinnuteqaatit soqutiginartikkaluarlugu atorfinnilli inuttaqanngitsunik piffissami qinnuteqarfigisanni neqerooruteqarsinnaanngikkutta atorfimmik inuttaqanngitsumik neqerooruteqarnissatsinnut toqqortaatigisinnaavarput, tamatumalu kingorna paasissutissat ilinnut tunngasut piiassavagut imaluunnit kikkunnilluunniit takuneqarsinnaajunnaartunngortissavagut. Paasissutissat ilinnut tunngasut sivisunerusumik toqqortaatiginissaannut akuerseqqusarsinnaavatsigit, taakkulu akuersinivit atuunneranut piffissaliussaq qaangiukkaangat imaluunniit akuersinerit atorunnaarsikkaangakku piiassavagut.
Paasissutissanik ilinnut tunngasunik ingerlatitseqqiisarnerput pillugu paasissutissat
Microsoft Office 365 allagaatinik nalinginnaasumik nalunaarsuinermut atortarparput, taamaattumillu Microsoft Ireland Operations Ltd. tamatumunnga atatillugu paasissutissalerisuuvoq.
E-mailikkut attaveqatigiinnerput Royal Greenland Seafood A/S-imit Danmarkimiittumit aamma Royal Greenland A/S-ip qullersaqarfianit Kalaallit Nunaanniittumit ingerlanneqarlunilu oqilisaanneqartarpoq. Tamatumunnga atatillugu ileqquusumik isumaqatigiissutini aalajangersakkat (Europa-Kommissionimit atuutilersitat) Royal Greenland A/S-imit aamma suliffeqarfissuup Royal Greenlandip ingerlatseqatigiiffiutaanit tamanit atsiorneqarput, taakkulu paasissutissanut ingerlatseqatigiiffinnit Royal Greenlandimit pigineqartunit EØS-imut aamma Royal Greenland A/S-imut Kalaallit Nunaanniittumut ingerlateqqitanut taakkulu isumannaallisarneqarnissaannut tunngaviupput.
Tunisassiatsinnik pisigaangavit pisiavit ilinnut apuunneqarnissaat qulakkeerumallugu paasissutissat ilinnut tunngasut pingajuusutut inissisimasunut soorlu nassiussanik angallassisartunut pisariaqaraangat ingerlateqqissinnaavagut.
Royal Greenlandimi atorfimmut qinnuteqaruit qinnuteqaatit suliffeqarfissuup ingerlatseqatigiiffiutaanut ataatsimut ingerlatseqatigiiffiutaanulluunniit arlalinnut attuumassuteqarpat ingerlateqqissinnaavarput.
Akuersinermik atorunnaarsitsineq
Ilinnut tunngasunik paasissutissalerinerput akuersisimaninnik tunngaveqarpat e-mailimut uunga allagaqarlutit attavigaluta akuersinerit qaqugukkulluunniit atorunnaarsissinnaavat: info@royalgreenland.com.
Pisinnaatitaaffitit attavigisinnaasatillu pillugit paasissutissat
Attavigaluta paasissutissat ilinnut tunngasut takunissaannut, naqqinneqarsinnaanissaannut, piiarnissaannut killilimmilluunniit atorneqarnissaannut piginnaatitsisinnaatitaavutit itigartitsisinnaatitaallutilluunniit imaluunniit taakkuninnga nuusseqqusisinnaatitaavutit.
Tamatuma saniatigut ilinnut tunngasunik paasissutissalerinerput pillugu naammagittaalliuteqarsinnaatitaavutit uunga: Datatilsynet, Borgergade 28, 5., DK-1300 København K, +45 33193200, dt@datatilsynet.dk.
Ilinnut tunngasunik paasissutissalerisarnerput pillugu apeqqutissaqaruit imaluunniit pisinnaatitaaffitit qulaani taaneqartut atorniarukkit e-mailimut uunga allaffigaluta attavigiuaannarsinnaavatsigut: info@royalgreenland.com.
