Flutemi sikatsitami nipisat suaat creme fraichellit

Akuutissat - inunnut sisamanut

Periaaseq

√ 100 g Nipisat suaat qerisut

√ 2 dl creme fraiche

√ 1 qilertat purløgit ataatsit

√ 1 citroni

√ 1 qilertat persillet silittunik pilutallit

√ hvidløgi

√ olivenuulia

√ 1 flute

√ 1 frisésalaati

√ 1 dild qilertaq ataaseq

√ Taratsut qasilitsullu

Meeqqanut naleqquppoq: Aap

Nerisassiornerup sivisussusaa:

Minutsit 15-it.

Purløgit mikisuaranngorlugit aggoriarlugit cremefraichemut akuleruteriarlugit taratsunik qasilitsunillu mamarsaasikkit. Nipisat suaat cremefraichemut akuleruteriarlugit citronimik mamarsaasikkit. Persillet aggoriarlugit hvidløgip immikkoortuata affaata affaa olivenuuliamut ikikkit taratsunik qasilitsunillu mamarsaaseriarlugit akulerutikkit. Flutemik kilitat olivenuuliamik akuukkamik taneriarlugit sikatsitsivimmi kissarsuummiluunniit sikatsikkit. Nipisat suaat flutet kilitat qaavinut ileriarlugit taratsunik nakkalatsivigikkit. Naatitanik mamarsaaseriarlugit saniatigut salaatileriarlugit sassaalliutigikkit.