Raajat mamarsaasilikkanik iipililerlugit, peberrodilerlugit blegsellerilerlugillu

Akuutissat - inunnut sisamanut

Periaaseq

√ 350 g raajat

√ 3 iipilit

√ 3 dl cremefraiche

√ 1 peberrodi sequtsigaq alussaammut

√ 1 blegselleri

√ 4 radiisit

√ 1 citroni

√ 1 bakki kaarsinik imalik

√ Taratsut qasilitsullu

√ Iffiaq/iffiaq-qaqortoq

Meeqqanut naleqquppoq: Naamik

Nerisassiornerup sivisussusaa: Minutsit 20-t.

Iipilit kipparissunngorlugit aggoriarlugit (iipilip affaa pinnersaatissatut pissamaatigiuk) cremefraichemik, peberrodimik sequtsikkamik, taratsunik qasilitsunillu akukkit.

Blegsellerit radiisillu saattuaranngorlugit aggukkit (mandolinjerni atorneqarsinnaavoq). Aggukkatit qitorujuttuinnanngoqqunagit imermi nillertumi kinisimaakkit. Iipilip affaa saattuaranngorlugu aggoriarlugu aggukkatit citronip isseranik mamarsaasikkit.

Naatitat sikattut iipilimik salaatiliap qaavanut ileriarlugit raajanik, iipilinik mamarsaasikkanik kaarsinillu nakkalatserfigikkit. Iffiaq-qaqortulerlugit iffialerlugilluunniit sassaalliutigisinnaavatit.