Saarulliup nerpia pujuukkamik skinkelerlugu, appelsiinap isseranik akusamik mamarsaaserlugu kajortitamillu punnilerlugu

Akuutissat - inunnut sisamanut

Periaaseq

√ 600 g saarulliit nerpii

√ 1 bagekartoffeli

√ 500 g kuloruujut

√ 1 sioraasat alussaammut

√ 1 dl solsikkeuulia

√ 0.5 purløgit qilertat

√ 2 appelsiinat

√ 4 skinket kilitat silaannarmit panertitat

√ 50 g punneq

√ Taratsut qasilitsullu

Meeqqanut naleqquppoq: Aap

Nerisassiornerup sivisussusaa: Minutsit 35-t.

Aalisakkat:

Saarulliit nerpii niusivimmut marrarmut tanitamut ileriarlugit niutsivik foliamik plastikkimik (aassinnaanngitsumik) imaluunniit alufoliamik qalleruk. Saarulliit nerpii niutsivimmiittut kissarsuummi 120° C-inngorlugu kissariikkami minutsit 20-t missaani sivisussusilimmik uunnakkit.

Kuloruujut sequtsikkat:

Kuloruujut 400 grammit qalipaajariarlugit angisuunngorlugit aggukkit. Aqilinissaasa tungaanut igami matulimmi minutsit 20-t missaani sivisussusilimmik uukkit. Kuloruujut alussaammut ataatsimut marlunnulluunniit punnermik appelsiinallu isseranik akoriarlugit sequtsikkit, sequtsikkallu taratsunik qasilitsunillu mamarsaasikkit.

Naatsiiat sikattunngorlugit siatat:

Naatsiiaq qalipaajariarlugu kipparissuaranngorlugu aggoruk, aggukkallu imermi nillertumi kinikkit. Naatsiiat aggukkat imertaajarluariarlugit igami uulialikkami siakkit (sianigissaatit - uulia serpalittarpoq!). Naatsiiat kipparissuaranngorlugit aggukkat sikattunngorlugit minutsini marlunni-pingasuni siariarlugit pappialamut allarutissiamut ilillugit orsortaajariarlugit taratsikkit. Taarsiullugilli naatsiaat kissarsuutikkut uutat sassaalliutigineqarsinnaapput.

Mamarsaatit:

Kuloruujut sinneruttut 100 grammiusut qalipaajariarlugit kipparissuaranngorlugit aggoriarlugit aamma alussaammut ataatsimut sioraasaleriarlugit appelsiinallu isseranik akoriarlugit isserata kinertinnissaata tungaanut igami matulimmi minutsit pingasut-sisamat missaani sivisussusilimmik uukkit.

Punnip sinnera igami kissarpallaanngitsumi kajortilaaruk. Skinket kilitat silaannarmit panertitat kipparissunngorlugit aggoriarlugit punnermut kajortitamut akulerutikkit. Sikattunngornissaasa tungaanut siakkit.

Appelsiinap isseranik akusamik mamarsaasiaq punnimik kajortitamik mamarsaasiamut akulerutiguk.

Sassaallineq:

Puuguttat qaavi tamaasa sequtsikkanik kuloruujulikkit.Taava saarulliit nerpii qaavinut ileriarlugit qaavi appelsiinap isseranik, kuloruujunik, punnermik kajortitamik skinkimillu mamarsaasialikkit. Naatsianik siatanik purløginillu mikisuaranngorlugit aggukkanik nakkalatsivigikkit. Piumaguit kuloruujunik amitsunngorlugit qalipaajaammik aggukkanik pinnersaasikkit.