Salatit glasnudlitallit raajalerlugit saniatigut soyalerlugit

Akuutissat - inunnut sisamanut

Periaaseq

√ 300 g raajat

√ 150 g glasnudlit

√ 1 chili

√ 2 dl soyasauce

√ 50 g ingefæri

√ 2 limet

√ 1 purløgit qilertat ataatsit

√ 50 g sesamip naasussartai

√ Taratsut qasilitsullu

Meeqqanut naleqquppoq: Naamik

Nerisassiornerup sivisussusaa:

Minutsit 15-it.

Glasnudlit puuaniittoq ilitsersuut malillugu uunnakkit, imermilu nillertumi kinillugit nillorsikkit. Glasnudlit nillertut skålimut kueriarlugit sesamip naasussartaanik akukkit (mamaqarsinnerulerniarlugit siatsivimmi sikatsilaarsinnaavatit). Ingefæri sequtseqqissaagaq, chili mikisuaranngorlugu aggoqqissaagaq, limet issera purløgillu mikisuaranngorlugit aggoqqissaakkat Glasnudlinut akulerulluakkit. Raajat akulerutikkit. Salati puuguttanut sisamanut agguataarlugu ilioraruk, qaavatigut raajanik, sesamip naasussartaanik purløginillu nakkalatsivigikkit. Nammineq soyasaucemik annertussusiliisinnaangorlugit saniatigut sassaaliuteqarit.