Kapisillit pujuukkat creme fraichemik akusanik iipililerlugit, kaarsilerlugit sikattulianillu iffialerlugit

Akuutissat – inunnut sisamanut

√ 2 poortat kapisillit pujuukkat issusuunngorlugit aggukkat

√ 4 iipilit

√ 2 dl creme fraiche

√ 1 citroni

√ 100 g peberrodit

√ 1 kaarsit

√ Taratsut qasilitsullu

__

Meeqqanut naleqquppoq: Aap

Nerisassiornerup sivisussusaa: Minutsit 20-t

Iipilit pingasut affarlu kipparissunngorlugit aggoriarlugit citronip isseranik akukkit. Iipilip sinnera saattuaranngorlugu aggoruk.

Iffiat kilitat saattut sikattunngornissaasa tungaannut kissarsuummi uunnakkit.

Iipilit aggukkat creme fraichemik, peberrodinik, taratsunik qasilitsunillu akoriarlugit aalatikkit.

Iipilit akuukkat qaavisigut pujuukkanik kapisilileriarlugit iffianik sikattulianik, iipilinik saattuaranngorlugit aggukkanik kaarserpassuarnillu kusassaasikkit. Saniatigut sikattualianik iffialeqqillugit sassaalliutigineqarsinnaapput.