Qaleralik pujuugaq pupinnik qallikkamik siggilasuliamik iffiaq-qaqortulerlugu

Akuutissat – inunnut sisamanut

√ 300 g qalerallit pujuukkat

√ 4 iffiat-qaqortut kilitat - ciabatta

√ 600 g pupiit assigiinngitsut

√ 0.5 dl olivenuulia

√ 0.5 dl piskefløde

√ 1 citroni

√ 0.5 persillet qilertat affai

√ 1 uanitsuaraq

√ Taratsut qasilitsullu

Pupiit minguiarluakkit. Iffiat-qaqortut kilitat sitsivimmi kissartumi uulialikkami siakkit, siannerinilu saattunngortillugit naqikkit. Siatsivimmiit nioriarlugit kissassimaartikkit. Pupiit siatsivimmi siatsivigeqqammisanni siakkit. Persillet uanitsuararlu mikisuararsuanngorlugit aggukkit. Pupiit siatatit persillenik, uanitsuaqqanik, taratsunik qasilitsunillu akukkit. Pupiit affai siatsivimmiit nioriarlugit sinneri flødeleriarlugit aalatikkit. Iffiat-qaqortut siatat pupinnik flødelikkanik qalleriarlugit pupinnik siatanik qallikkit. Citronip qalipaanik persillenillu mikisuaranngorlugit aggukkanik mamarsaasikkit. Naggataagut qaleralinnik pujuukkanik qallikkit.