Qalerallit pujuukkat creme fraichemik akusanik porrelerlugit spinatilerlugillu

Akuutissat – inunnut sisamanut

√ 300 g qalerallit pujuukkat

√ 2 porret

√ 200 g spinatit

√ 2 dl creme fraiche

√ 0.5 persillet kanaartallit silittunillu       pilutallit qilertat

√ Taratsut qasilitsullu

Meeqqanut naleqquppoq: Aap

Nerisassiornerup sivisussusaa: Minutsit 25-t

Porret spinatillu imermik errortukkit. Porret aggoriarlugit aqilinissaasa tungaannut imermi annikitsumik taratsikkami aalartikkit.

Porret aqilippata spinatinik creme fraichemillu akukkit. Kingorna sivikitsumik ooriarlugit taratsunik qasilitsunillu mamarsaasikkit.

Porret akuukkat puuguttanut nioriarlugit qalerallit pujuukkat imusat qaavinut ilikkit kingornalu persillenik kanaartalinnik silittunillu pilutalinnik kusassaasikkit.

SIUNNERSUUT!

Matumani nerisassiaq siuleqqiutitut sassaalliutigissallugu piukkunnartupilussuuvoq, kisianni naatsiialerlugu, qaqorteqqasulerlugu pastalerluguluunniit kissartutugassatut sassaalliutigineqarsinnaalluarpoq.