Akuutissat – inunnut sisamanut

    

400 g sinerissap qanittuani raajartat

1 pupiit – poortat ataatsit

20 g punneq

4 dl bulgurit

1 uanitsoq

1 laurbærbladi

6 dl naatitat qajuannik kimittorsaat

2 hvidløgip immikkoortui

1 persillet qilertat

8 cherrytomatit

1 citroni

Salaatit qorsooqqissut

Taratsut qasilitsullu

 

Meeqqanut naleqqupput: Naagga

Nerisassiarineqarnerisa sivisussusaat: Minutsit 30-ngajaat

 

Pupiit imermik errortoriarlugit saattunngorlugit aggukkit. Siatsivimmi punnilikkami qajuninnissaasa tungaannut siariarlugit kogepladi sakkukilliguk. Pupiit qajuata affaa aalanngorluni tissornissaata tungaanut qalaartikkit. Taratsunik qasilitsunillu mamarsaaseriarlugit kissatsisimatikkit.

Bulgurit nakkalatserummut kueriarlugit imermillu nillertumik errortorluariarlugit imertaajarluakkit. Uanitsoq mikisuaranngorlugu aggoriarlugu aggukkatit, bulgurit laurbærbladilu igamut akuleruteriarlugit kimittorsaammik qajulikkit. Bulgurit aqilinissaasa tungaannut sakkukitsumik kissassusilimmi qalaartikkit (ilitsersuut puuanni allassimasoq maliguk). Taava laurbærbladi nioriarlugu hvidløginik aserortikkanik qasilitsunillu mamarsaasikkit.

Persillet mikisuaranngorlugit aggoriarlugit pupinnut qajulinnut raajat imertaajakkat amerlanerpaartaannik akusanut akulerutikkit. Kissalaartumi kissalaartunngornissaasa tungaannut minutsialunni igamiitikkit – qajassuartumik aalallattaakkit. Panerpallaalerpata viinnimik qaamasumik naatitalluunniit qajuannik kimittorsaammik annikitsumik akukkit.

Bulgurit hvidløgilikkat niutsivimmut kissartumut kueriarlugit cherrytomatinik aggukkanik raajallu sinnerinik kusassaasikkit.

Nerisassianik sassaallerfigisatit nerisassatik citronip isseranik namminneq akusinnaaniassammatigit salaatit citronit aggukkat ilanngullugit sassaalliutigikkit.

Siunnersuut:

Bulgurit qajuusiassaapput, taakkulu avillugit kissataapput. Peqqinnartuullutillu pisariitsumik piareersarneqarsinnaapput, aamma nerisassianut assigiinngitsorpassuarnut akugineqarsinnaapput. Naatitanik saattunngorlugit aggukkanik, naasunik mamarsaatinik assigiinngitsunik akuutissanilluunniit mamarsaatinik akusinnaavatit. Qaqorteqqasut bulgurinut taarsiunneqarsinnaapput.


  

Asseq

 
 

Royal Greenland aperiguk

i
Write the text from the image