Akuutissat – inunnut sisamanut

  

300 g sinerissap qanittuani raajartat

2 avocadot

0.5 peberfrugti aappaluttoq

0.5 peberfrugti qorsuk

1 courgette

100 g majsit qillertuusarmiut

1 dl majsuulia rapsuulialuunniit

1 citroni

2 chilisauce alussaammut marloriarlugu

1 myntebladit alussaammut

200 g kukkukuup qatii amiikkat

100 g baconit

1 bakki rucolasalatinik imalik

2 tortillat

2 tortillat

300 g raajat

Taratsut qasilitsullu

Meeqqanut naleqquppoq: Naagga

Nerisassiornerup sivisussusaa: Minutsit 30-40-t

Avocadot kigutaariarlugit nerisassartai qalipaaniit alussaammik peeriarlugit kipparissunngorlugit aggukkit. Aggoreerukkit uninngatinnerini qalipaataat allanngoqqunagit citronip isseranik piaartumik kuseriartakkit. Peberfrugtit imermik errortoriarlugit courgette ilanngullugu centimeterimik ataatsimik affarfimmillu issussusilinnik kipparissunngorlugit aggukkit. Majsit qillertuusarmiut imertaajakkit.

Uulia citronip isseranik, citronip qalipaanik, chilisaucemik akuutissanillu mamarsaaseriarlugu aalatikkit myntebladillu kingornatigut akulerutikkit. Naatitat aggukkatit kukkukuuminillu akuukkamik kueriarlugit totoposit siannerini uninngatikkit.

Tortillat arfineq-pingasunngorlugit aqqqaneq-marlunngorlugilluunniit pingasunik teqeqqulinngorlugit aggoriarlugit siatsivimmi kissarluartumi majsuulialikkami sikattunngornissaasa kajortilaarnissaasalu tungaannut siakkit. Siareerukkit pappialamut allarutissiamut ilillugit orsortaajakkit. Salaatit pilutai rucolallu niutsiviup itilaartup sinaanut iliorariarlugit salaatiliatit niutsiviup qeqqanut kuikkit. Baconinik aserortikkanik, raajanik myntebladinillu amerlanngitsunik kusassaaseriarlugit totoposit siggilasuliat kissalaartullu ilanngullugit ingerlaannaq sassaalliutigikkit.

Asseq

 
 

Royal Greenland aperiguk

i
Write the text from the image