Akuutissat – inunnut sisamanut

   

4 oquuttat nerpii siatassatut qallikkat

1 punneq alussaammut ataasiarlugu

2 tomatit

Estragonit panertut

1 dl manniit kissallugit bakteriaajakkat

1 citroni

0.5 dl iipilinik seernartuliaq

0.5 dl rapsuulia kissataanngitsoq

Estragonit

1 eertat amitsukujuut poortat

1 dildit qilertat

1 kørvelit qilertat

1 persillet qilertat

Uulia

Taratsut qasilitsullu

Oquuttat qaavi annikitsumik punnileriarlugit taratseriarlugillu kissarsuummi 185 gradinngorlugu kissariikkami minutsini 15-ini uunnakkit. Tomatit qeqqisigut averiarlugit kingornalu taratsunik qasilitsunillu mamarsaaseriarlugit siatsivimmi grillerummi minutsini sisamani-tallimani siakkit naggataatigullu estragoninik panertunik mamarsaasikkit.

Manniit kissallugit bakteriaajakkat, citronip issera aamma iipilinik seernartuliaq skålimut akuleruteriarlugit aalakkit. Skåli uerteriarlugu aalatat kinertinnissaata tungaanut aalateqqiuk. Kingorna taratsunik,qasilitsunik, citronip isseranik estragoninillu nutaanik panertunilluunniit mamarsaaseruk.

Eertat amitsukujuut imermi qalattumi issariarnerit 30-t missaanni sivisussusilimmik misoriarlugit siatsivimmut kissarluartumut ileriarlugit siakkit siannerinilu taratsikkit citronillu isseranik akukkit.

Naasut akuutissat assannik aserorteriarlugit uulialikkit. Aalisakkat sassaalliutiginnginnerini aalisakkat qaavannut ilikkit.

Uutanik naatsiialerlugit kissarsuummiluunniit uutanik naatsiialerlugit sorlannilluunniit naatsiialerlugit sassaalliutigineqarsinnaapput.

Nerisassiornermut ilitsersuut una igasumit Claus Holmimit suliaavoq.

Meeqanut naleqquppoq: Aap


Asseq

 
 

Royal Greenland aperiguk

i
Write the text from the image