Pisarnertut nerisassiarineqartartut stjerneskud

Akuutissat – inunnut sisamanut

√ 4 oquuttat nerpii raspinik qallikkat

√ 4 oquuttat nerpii akuutissalersugaanngitsut

√ 100 g kapisillit pujuukkat

√ 1 nipisat suai qernertut igalaaminermiut

√ 200 g sinerissap qanittuani raajartat

√ 1 agurki

√ 1 dildit qilertat

√ 1 purløgit qilertat

√ 3 dl mayonnaise

√ 1 Iffiaq-qaqortoq

√ 1 hjertesalati

√ 1 citroni

√ Taratsut qasilitsullu

Oquuttat nerpii raspinik qallikkat kissarsuummi 185°C-inngorlugu kissariikkami minutsini 15-ingajanni imaluunniit ilitsersuut puuanni allassimasoq malillugu uunnakkit. Oquuttat nerpii akuutissalersugaanngitsut aasseriarlugit ilitsersuut puuanni allassimasoq malillugu kissarsuummi siatsivimmiluunniit uunnanneqassapput.

Agurki qalipaajariarlugu issusuunngorlugu aggoruk. Agurkit aggukkat dildinik, taratsunik qasilitsunillu mamarsaasikkit.

Mayonnaisep ilaa dildinik purløginillu mikisuaranngorlugit aggukkanik, taratsunik qasilitsunillu akoriarlugu aalateruk (sinnera iffiaq-qaqortumut tarngussassatut immikkoortissavat). Iffiaq-qaqortoq kitseriarlugu kilitat sikatsilaakkit – siatsivimmi punnilikkami aamma sikatsilaarsinnaavatit.

Iffiaq-qaqortut mayonnaisemik tanikkit. Qaavi salaatileriarlugit oquuttat nerpiinik raspinik qallikkanik, oquuttat nerpiinik akuutissalersugaanngitsunik, kapisilinnik pujuukkanik raajanillu pilikkit. Naggataatigut agurkinik mamarsaasikkanik, nipisat suaannik, dressingimik dildinillu nutaanik naammattunik kusassaasikkit.

Saniatigut mayonnaiselerlugit aggukkanillu citronilerlugit sassaalliutigikkit.

Meeqqanut naleqquppat: Aap

Nerisassiarineqarnerisa sivisussusaat: Minutsit 30-t