Raajat cremefraichelikkanik iipililerlugit uanitsulerlugillu

Akuutissat – inunnut sisamanut

√ 400 g raajat sinerissap qanittuaneersut

√ 2 iipilit seernartut

√ 25 g peberrodit aserortikkat

√ 1 dl creme fraiche

√ 0.5 citroni

√ 1 uanitsoq aappaluttoq

√ Dildit

√ Taratsut qasilitsullu

Iipilit qalipaajariarlugit kipparissunngorlugit aggukkit. Aggoreerukkit citronip isseranut, peberrodinut aserortikkanut cremefraichemullu akulerutikkit.

Iipilit akuukkat qaavi raajaleriarlugit dildinik aggukkanik uanitsunillu aappaluttunik mikisuaranngorlugit aggukkanik kusassaasikkit.

Iffiaq-qaqortumit kilitat siggilasuliat salaatillu ilanngullugit sassaalliutigikkit.

Meeqqanut naleqquppat: Naagga

Nerisassiarineqarnerisa sivisussusaat: Minutsit 20-t