Wrapsit mamarsaaserlugit tanitanik kapisililerlugit, salsalerlugit avocadolerlugillu

Akuutissat – inunnut sisamanut

√ 2 kapisillit mamarsaaserlugit tanitat - poortat marluk

√ 8 tortillawrapsit

√ 2 avocadot

√ 8 tomatit

√ 1 rucolasalatit - bakkit ataatsit

√ 2 limet

√ 3 ketchuppi alussaammut

√ 1 chili

√ 1 uanitsoq aappaluttoq

√ 0.5 karry alussaateeqqamut

√ 0.5 paprikat alussaateeqqamut

√ Taratsut qasilitsullu

Tomatit arfineq-pingasuusunit tallimat kipparissuaranngorlugit aggoriarlugit ketchuppimik, taratsunik, qasilitsunik uanitsunillu aappaluttunik mikisuaranngorlugit aggukkanik annertunngitsunik akukkit. Chilinik mikisuaranngorlugit aggukkanik, paprikanik karrynillu mamarsaasikkit

Wrapsit soorlu mikrobølgeovnimi sivikitsuararsuarmik kissariarlugit kapisilinnik mamarsaaserlugit tanitanik, avocadonik kipparissuaranngorlugit aggukkanik, uanitsunik aappaluttunik sinneruttunik mikisuaranngorlugit aggukkanik, tomatinik sinneruttunik kipparissuaranngorlugit aggukkanik, salsaminermik rucolasalatiminernillu immeriarlugit imukkit. Saniatigut salsalerlugit ingerlaannaq sassaalliutigikkit.

Nerisassiornerup sivisussusaa: Minutsit 20-t