Eqqakkat annikinnerusut inuussutissallu amerlanerusut
Aalisakkap sapinngisamik atorluarnissaa pillugu pisussaaffeqarpugut
Aalisakkat immamiittut amerlassusaat killeqarmat aalisakkap pisarineqareerneraniit atorluarnissaanut akisussaaffeqarpugut.
Nunarsuarmi inuit 7,6 mia. missaanniipput kinguaariinnilu tulliuttuni amerligaluttuinnassallutik. 2030-mi 8,6 mia.-iussasugut 2050-imilu 9,7 mia-iussasugut naatsorsuutigineqarpoq. Taamaammat aalisakkat qaleruallillu tunisassiorfitsinnukartartut atorluarnerpaassallugit akisussaaffimmik tigusiumavugut. Matumani saniatigut pisat annerusumik atorluarneqarsinnaagamik nutaanik inuussutissiornermut, soorlu aamma tunisassiornermi imeq atorneqartoq proteininik uulianillu piaaffigigaanni nerukkaatissiornermi akuutissaliornermilu nutaanik periarfissiisinnaapput.
Anguniagaq
Aalisakkat qaleruallillu nunarsuarmi inunnut amerlanerusunut, minnerpaamillu 2030-imi ullumikkutut amerlatigisunut tunisassiaralugillu pilersuisuujumavugut. Taamaammat tunisassiassaatitsinniit sinnikut qanoq atorluarsinnaanerlugit nalilersoriarlugu tunisassiassaatigut suli atorluarnerusinnaavagut.
2019-imi killiffik
Tunisassiorfinni nunatsinniittuni aalisakkat qalleruallillu tunisassiarineqartut agguaqatigiisillugu 67%-ii atorluarneqarput. Tunisassiorfitta Canadamiittut tunisassiassaatimik 40-50%-ii atorluartarpaat.
2022-mi anguniakkat
Suliffeqarfissuarmi atorluaanerup naatsorsornissaa, matumani inuiaqatigiinni pissutsit assartuinerillu nukissamik atuiffiusut ilanngunneqarlutik.
Royal Greenlandip aalisakkanik qalerualinnillu, taakkunani tunisassiorfinniit kilisaatiniillu tamaneersunit pisuussutigisinnaasaasa 80%-iisa atorluarnissaat.
WASEABI atorlugu immami pisuussutit atorluarneqarnerat annertusarneqarpoq
WASEABI atorlugu immami pisuussutit atorluarneqarnerat annertusarneqarpoq
Royal Greenland ukiut sisamat ingerlanerini suliaqarfiit assigiinngitsut akimorlugit suleqatillu 13-it peqatigalugit imarmiunik inuussutissalerinermi sinnikut atorluarlugit akuutissanik inuussutissaqarluartunik tunisassiornissamut periusinik nutaanik pilersitsinissamik anguniagaqateqassaaq.
Suliniutit
- 2019-imut sanilliullugu tunisassiorfinni amerlanerusuni raajat qaleruaanik atorluaanissaq
- Imermit tunisassiornermi atorneqartartumit proteinimik uuliamillu piiaaneq
- Nipisanik saattuallu qaleruaannik avammut tunisaqarnerulernissaq
- Tunisassiassap sapinngisamik atorluarnissaanut periusinik nutaanik inerisaaneq
2030-mi angorusutat
Pissuseqatigiiat suunerat sumilu tunisassiarineqarnerat apeqqutaalluni nioqqutissanit piareeriikkanit sinnikut atorluarnissaat pillugu ataqatigiissaarilluarlunilu sulisoqarsinnaasariaqarpoq. Sinnikunik piiaaneq pitsanngorsaanerlu, soorlu uulianik proteininillu katersillunilu allamut assartuineq, pillugu aningaasartuutit nioqqutiginerani nalinganit annertunerungaatsiarsinnaapput. Taamaakkaluartoq sapinngisamik atorluaanissaq angorusupparput.
