You have an outdated browser

Please update your browser

Update browser
Nutaarsiassaasivik Ilisimasat ulluinnarnilu suliniutit

Nunatsinni inuiaqatigiit agguataarnerisa ineriartornera – nunaqarfinniit illoqarfinnut nuunneq

Nunaqarfinni nunatsinniittuni innuttaasut ukiut kingulliit qulit (2010-miit 2019-imut) 1.747-nik ikilisimapput, nuussortullu ukiuni 20-ni kingullerni amerligaluttuinnarput.

Nunap ilaani inuiaqatigiit aaqqissuussaanerata 2010-miit 2019-imut ineriartornera napertorlugu inuit 1.282-it ukiut tamaasa nunaqarfimmiit illoqarfimmut nuuttartut inuillu 1.107-it illoqarfimmiit nunaqarfimmut nuuttartut Nunatsinni naatsorsueqqissaartarfimmi kisitsisit ersersippaat. Tassa imaappoq, nunatsinni nunaqarfiit piffissami eqqaaneqartumi ukiut tamaasa agguaqatgiisillugu innuttaasut 175-it annaasarsimavaat. 

Nunaqarfinniit nunaqarfinnullu nuuttut 50,5%-ii arnaasut naatsorsueqqissaarnermi kisitsisit takutippaat, taamaalillutillu arnat annikitsumik amerlanerussuteqarput. Amerlanerussuteqartut illoqarfimmiiginnartarmata tamanna nunaqarfinniit illoqarfinnut innuttaasut suiaassutsikkut aaqqissuussaanerannut siunissaq ungasinnerusoq isigalugu sunniuteqassaaq. Arnaanerusut nunaqarfimmiuunissamiit illoqarfiummioorusunnerusarnerannut ilinniarfissatut periarfissat peqqutaaqataasut ilimagineqarpoq. Ilisimatusarnermit nalunaarusiami Den Grønlandske Arbejdskraftsundersøgelse, Center for Arbejdsmarkedsforskningimiit 2020-mi saqqummersinneqartumi arnat kalaallit angutiniit amerlanerusut ilinniakkaminnik naammassinnittartut allassimavoq.  

2000-imiit 2019-imut nunaqarfimmiit illoqarfimmut nuuttartut katinneri ataani takuneqarsinnaapput

Nutaarsiassat tullii: Kilisaatini imarsiornermi isumannaallisaaneq
...