Royal Greenland Academy – suliffeqarfiup pikkorissaavia
Sulisut piginnaasallit ataavartumik naapertuuttumillu piginnaanngorsarnerisigut kajumillutillu suliffeqarfimmiiginnarnissaat kissaatigaarput
Ilinniarfimmi pikkorissaalluni suliniuteqarneq aaqqissuunneqartarpoq
Royal Greenlandimi sulisut tunisassiornermik suliaqartut amerlasuut ilinniarsimasuunngillat. Taamaammat Royal Greenland Academy aqqutigalugu atuagarsorluni inuttulluunniit piginnaasanik inerisaallunilu pikkorissarneq pingaaruteqarpoq. Inilliarfiup ilaatigut neqeroorutigisinnaasaa tassaavoq Sulisa+, tassaasoq pikkorissarneq suliffeqarfimmi ileqqut ukkataralugit aamma atugarissaarneq sulinermillu nuannarinninneq qitiutillugit immikkut inerisarneqarsimasoq.
Anguniagaq
Royal Greenland Academy-mi sulisunut sulilertussanullu piginnaanngorsaanerit aaqqissuunneqassapput. Sulisut piginnaasallit ataavartumik naapertuuttumillu piginnaanngorsarnerisigut kajumillutillu suliffeqarfimmiiginnarnissaat anguniagaraarput.
2019-imi killiffik
Sulisut katillugit 815-it Royal Greenland Academy-mi sungiusarluni piginnaanngorsarlunilu pikkorissartitsinernut peqataapput.
2022-mi anguniakkat
- Tunisassiorfinni kilisaatinilu aalajangersimasuni Sulisa+-imik ingerlatsinissaq
- Najukkami suliffeqarfik tunngavigalugu najukkami sulisut kalaallisut danskisullu oqaasilerinermik kiisalu kisitsisilerinermik ilinniarnissaannik neqerooruteqarneq
- Atorfinittartut amerlisinnerisigut ilisimasat suliffeqarfimmiitiinnarnissaannik attassineq
Suliniutit
Royal Greenland Academy ima ilaartorneqassaaq:
- Sulisunut piginnaasalinnullu toqqakkanut pikkorissarnerit tulluarsakkat
- Tunisassiorfinni pikkorissaanerit kajumilersitsillutillu isumataarnartut
- Tunisassiorfinni kilisaatinilu sulisunut Sulisa+ tunngavigalugu pikkorissarnissamut periarfissiineq
- Ilinniartunik piginnaasalinnillu ukiumoortumik bootcampertitsineq.
- Tunngaviusumik piginnaasat pitsanngorsarnissaat pillugit nittartakkakkut sungiusaanissamut misileraalluni ingerlatsinissaq.
2030-mi angorusutat
Sulisut amerlanerpaataat ilinniarsimasuullutillu piginnaasaqarluarlutik suliaminnik naammassinnissinnaassapput.
