Imermik atuineq
Imermik tarajoqanngitsumik saliineq atoqqiinerlu ukiuni kingullerni ineriartupiloorpoq
Imeq tarajoqanngitsoq minguitsorlu pisuussutaavoq tunisassiorfitsinnut tamanut pingaarutilik.
Imeq tarajoqanngitsoq nunap qaavaneersuusinnaallunilu iluaneersuusinnaavoq, ukiunili kingullerni imeq tarajulik aamma periarfissaalerpoq. Nunatsinni sumiiffiit ilaanni imeq amigaataasoq allani imeqarluarpoq. Taamaammat suliniuteqarnitsinni sumiiffinni imermik sipaarfiusussani allatut imermik pissarsisinnaanissarput ukkataraarput.
Anguniagaq
Suliffeqarfissuaq tamaat isigalugu imermik atuinitta annikillisinnissaa kiisalu imermik amigaateqarfiusuni allatut imermik pissarsisinnaanissap inerisarlugulu atuutsinneqalernissaa suliniutigiumavarput.
2019-imi killiffik
Nioqqutissat piareeriikkat tonsi ataasiugaangata suliffeqarfissuarmi imermik atuineq agguaqatigiisillugu 41 m3-iusarsimavoq.
2022-mi anguniakkat
Suliffeqarfissuarmi imermik atuinerup ukiumut 5%-imik annikillisinneqartarnissaa.
Sumiiffinni imikitsuni imeqassutsip inerisarnissaa.
Suliniutit
- Sumiiffinni imermik amigaateqarfiusuni inuussutissanik tunisassiornermut akuerisaasumik tarajoqanngitsumik imiliorneq
- Imermik atuinerup ataavartumik nakkutiginissaa
- Imermik atuinerup annikillisinnissaa pillugu suliniutinik aallartitsineq
2030-mi angorusutat
Imermik tarajoqanngitsumik saliillunilu atueqqinneq pillugu ukiuni makkunani inerisaaneq ingerlanneqarpoq. Inerisaaneq taanna 2030-ip tungaanut malinnaavigerusullugulu ingerlalluaannassappat suliffeqarfissuaq tamaat eqqarsaatigalugu imermik atuinerup 20%-imik annikillisinneqarnissaa pillugu suliniuteqarusuppugut.
