Pappialarsuit ninngusuut, pappiaqqat plastikkilu
Tunngavik reduce – recycle – renew, tassa annikillisaaneq - atoqqiineq - nutarsaaneq naapertorlugu suleriaaseqarpugut
Tunisassiat piareeriikkat eqqiluisaartumik pilertortumillu assartorneqarlutillu attartuujussagunik poortorneqartariaqarput. Poortuutissalli suulluunniit atorneqassanngillat.
Annermik pappiaqqanik ninngusuunik/pappiaqqanik/plastikkimik poortuutissaateqartarpugut. Poortuutissat pappiaqqamik ninngusuumik pappiaraannarmilluunniit sanaat Royal Greenlandillu ilisarnaataanik ilisarnaasikkat amerlanerpaartaat 2018-ip 2019-illu ingerlanerini FSC-tut akuerisaasunik qisuit ipaguaannik sanaajusunik taarserneqarput.
Plastikki aningaasanik kaaviiaartitsinermi
EU-p plastikki pillugu iliuusissatut pilersaarusiaata akuerineqarneratigut suliffeqarfiit kattuffiillu ipaguannik plastikkinik sanaajusunik atuinerup allanngortillugulu annikillisinnissaa pillugu 2030-mut anguniagassanik ersarissunik sinaakkutissaqalerput.
Suliffeqarfiusutut plastikkimik atuisuusutut plastikkimik akisussaassuseqarluta atuinissamik pisussaaffeqarpugut, aammattaarli plastikkit poortuutissallu atukkatta siunissami aningaasanik kaaviiaartitsinermi ilaallutik atoqqinneqarsinnaasuunissaannut periusissanik nutaanik pilersitsissalluta pisussaaffeqarpugut. Poortuutissap atorsinnaassusaata sivisussaa atorsinnaassusaalu allanngorarsinnaavoq, ingammillu eqqagassatut suliarineqartarnera nunamiit nunamut allanngorartupilussuuvoq.
Royal Greenlandimi poortuutissap sananeqarnera pingaarnertut ukkataraarput; ipaguat sorliit qanorlu sananeqassanersoq. Tunngavik reduce – recycle – renew, tassa annikillisaaneq - atoqqiineq - nutarsaaneq naapertorlugu suleriaaseqarpugut.
Anguniagaq
Poortuutissat, assartuutit allallu nutaat atoreerunik kaaviaartitsinermi arlaatigut ilaaginnarsinnaasut atorlugillu pinngortinnissaat angorusupparput.
2019-imi killiffik
- Poortuutissat plastikkimik sanaat Royal Greenlandimi atorneqartut 40%-ii atoqqissinnaasunngorlugit sananeqassapput
- Royal Greenlandip poortuutissat atugai pappiaqqanik ninngusuunik pappiaqqanillu sanaajusut amerlanerpaat qisunniit FSC-tut akuerisaasuniit sanaajupput
- Qassutit kilisassutillu atoqqinneqarneq ajorput, isumassarsialli nalunaarsorneqaleruttorput
2022-mi anguniakkat
- Poortuutissat Royal Greenlandip atortagai plastikkiusut minnerpaamik 85%-ii atoqqissinnaasunngorlugit sanaajussapput
- Poortuutissat Royal Greenlandip atortagai pappiaqqanik ninngusuunik pappiaqqanillu sanaajusut tamarmik qisunnik FSC-tut akuerisanik sanaajussapput
- Qassutini kilisassutinilu atortut atorneqartartut minnerpaamik ataasiarluni atoqqinneqartassapput
- Atortut plastikkimik sanaat atorneqartut ikilisinneqassapput, matumani aamma
- Qilerutissiat issussusaat 20%-imik saalineqassaaq
- Plastikkip poortuutissatut atorneqartartup 50%-imik annikillisinneqarnissaa
Suliniutit
- Pappiaqqat ninngusuut plastikkimik iloqutillit iloqqutaarutsinneqarnissaat sulissutigineqassaaq
- Plastikkit laminatit laminatinik allanik taarserlugilluunniit atoqqissinnaasunngortinnissaat
- Qassutit Royal Greenlandimit atortussanngortinneqartut utertinneqarsinnaalernissaannik nunatsinni aaqqissuussinissaq
- Plastikkit assigiinngitsut atorlugit kaariliat plastikkimik ataatsimik kaarilianik taarsersornissaat
- Atorfissaat attartussusaallu eqqarsaatigalugit atortut issussusaasa annikillineqarnissaat
2030-mi angorusutat
Qassutit kilisassutillu aalisarnermi atorneqarsimasut atorunnaartullu katersorneqarlutillu atorluaqqinneqartarnissaat Royal Greenlandimi 2030-mi angorusupparput. Poortuutissat inuussutissalerinermi isumannaallisaaneq toqqammavigalugu tamarmik atoqqinneqarsinnaasuunissaat imaluunniit nutarsarneqarsinnaasuunissaat pillugit aammattaaq suliniuteqarpugut.
