Tunisassiat silaannaap pissusianut sunniuteqarnerat
Tunisassianik silaannarmut sunniutikitsunik inerisaanissatsinnut tunngavissamik pilersitsiumavugut
Tunisassiat CO2e-mik silaannarmut aniatitsinerat tunisassiap aalajangersimasup qanoq naleqalersinneqarnera apeqqutaalluni naatsorsorneqassaaq.
Raajat nunatta imartaaneersut ataasiakkaarlugit qerititat atorlugit seernartulerlugit tunisassiat naleqalersinneqarnerat nioqqutissat piareeriikkat kilo ataasiugaangata CO2e katillugu 5,07 kg silaannarmut aniatinneqartartoq suliffeqarfiup iluani misissuinerup takutippaa. CO2e-mik aniatitsinerup 62 %-ia aalisarnermeerpoq. Raajat marloriarluni qerinasuartitat tunisassiarineqarsimappata qeritinneqarneri aatsinneqarnerilu pissutigalugit aniatitsineq annerussaaq.
Anguniagaq
Tunisassiat aalajangersimasut tunisassiarineqarnerini CO2e-mik aniatitsinerup naatsorneqarsinnaanissaanut periusissamik pilersitserusullutalu tunisassiat inerisarneqarnerminni silaannaap pissusianut sunniutikinnerunissaannik tunngaviliiumavugut.
2019-imi killiffik
Tunisassiat aalajangersimasut tunisassiarineqarnerini CO2e-mik aniatitsineq pillugu naatsorsueriaatsimik suli pilersitsinngilagut.
2022-mut anguniakkat
Tunisassiat tunisassiarineqarnerini CO2e-mik aniatitsinerup ilimatusarnermik tunngavilimmik naatsorsorsinnaalernissaata inerisarlugulu misilittarnissaa. Periuseq attuumassuteqarani pingajuusumit akuerineqarlunilu suliffeqarfinni allani periusinut atorneqartunut naapertuutissaaq.
Suliniutit
- CO2e-mik aniatitsineq pillugu ersarissumik suussusersiilunilu, killiliillunilu tunisassiat aalajangersimasut tunisassiarinerini CO2e aniatinneqartut naatsorsornissaanut periusissamik pilersitsineq
- Aalisakkanik tunisassiornermi silaannaap pissusianut sunniuteqarneq pillugu naatsorsuissutissamik pilersitsinissaq pillugu suleqateqarneq.
- RG-mi tunisassiat inuussutissanut allanut sanilliullugit misissorlugit.
- Pisisartut silaannaap pissusianut sunniuteqarneq pillugu meqqilersuinermik pisariaqartitsinerat pillugu nalilersuineq
2030-mi angorusutat
Tunisassiat assigiinngitsut ilisimatuussutsikkut naatsorsuineq tamanit malinnaavigineqarsinnaasoq naapertorlugu silaannaap pissusianut sunniutaat suunersut 2030-mi paasisimassavagut. Taamaalilluta tunisassiat aalajangersimasut tunisassiarineqarnerini CO2e-mik silaannarmut aniatitsinermik annikilliliisinnaanissatsinnut periarfissaqassaagut. Aammattaaq atuisut tunisassianik toqqaanermikkut silaannap pissusianik sunniuteqarsimaneq eqqarsaatigissallugu periarfissaqalissapput.
