Inuiaqatigiinni piginnaanngorsaaneq
Sulisut inuiaqatigiinnilu inuusuttut ilinniarnissaannik kajumissaarumallugit suliniuteqarumavugut
Royal Greenlandip ilinniakkani assigiinngitsunik qaffasissusilinni ilinniartut suliffimmik misiliinissaannut neqeroorfigisarnerisigut inuiaqatigiinni piginnaanngorsaanermik anguniagaqarluni suliniuteqarpoq.
Meeqqat atuarfianni naammassisartut affaata missaanniittut meeqqat atuarfiat naammassigaangamikku ilinniaqqittarput. Inuusuttut nunatsinni ilinniagaqartartut amerliartorusaarput. Aalisakkerinermik suliaqarfiit inuttassaqassappata inuusuttullu periarfissaqartinneqassappata inuusuttut amerlanerusut ilinniagaqarnissaat pisaqarluinnarpoq.
Royal Greenlandip inuusuttut ilinniagaqartartut amerliartornissaat attatiinnarniarlugu CSR Greenland suleqatigalugu atuarfiit suliffeqarfiillu suleqatigiinnerisa inerisarneqarnissaannut suleqataavoq. Suliniut "Qaqisa" -mik taaguuserneqarsimasoq meeqqat atuarfiini atuartut angajulliit nunatsinni suliffeqarfiit pillugit ilisimasaat annertusarnerisigut meeqqat atuarfiani inaarutaasumik misilitsereerunik iliniagaqaqqinnissaannut kajumissaarutaavoq.
Anguniagaq
Sulisut inuiaqatigiinnilu inuusuttut ilinniarnissaannik kajumissaarumallugit suliniuteqarumavugut. Sulisut inuusuttullu amerlanerit ilinniakkamik aallartitsillutillu naammassisaqartikkumallugit ilinniarnissamut kajumissuseq soqutiginninnerlu pillugit assigiinngitsunik suliniuteqarpugut.
2019-imi killiffik
Suliffeqarfiup nunatsinni ilinniartuutai 41-uupput
2022-mi anguniakkat
Illoqarfinni nunaqarfinnilu aalajangersimasuni Qaqisa aallartisarumavarput
Ilinniartut amerlassusaasa ukiumut minnerpaamik 50-iusarnissaat
Suliniutit
Inuusuttut meeqqat atuarfiini atuartut:
- Qaqisa – Meeqqat atuarfiini atuartut tunisassiorfinnut tunitsivinnullu pulaarnissaminnut aggersarneqassapput.
- Ilinniakkanut atuagarsorfiusunut ilinniartunik ataavartumik ilinniartuuteqartarnissap qulakkeernissaa
Sulisut:
- Sulisut tunngaviusumik piginnaasassat pillugit nittartakkatigut unnukkulluunniit atuartinneqartarnissamut neqeroorfiginissaat
Inuusuttut inuussutissarsiutinik ilinniagaqartut:
- Ilinniartitsinerup inerisarneqarnissaa ilinniartullu inuttut nammineq piginnaasaasa nukittorsarnissaat pillugit ilinniarneq pillugu Naalakkersuisoqarfimmi atorfilinnik kiisalu ilinniarfeqarfinnik qanimut suleqateqarneq.
- Aalisarnermik suliaqarfiusuni piginnaasat inerisarneqarnissaat pillugu aalisarnermik suliaqartunik allanik qanimut suleqateqarneq.
- Royal Greenlandimi ilinniartut qaffasinnerusumik ilinniagaqartut allaffinni nunatsinniittuni, Danmarkimiittuni nunanilu allaniittuni suliffimmik misiliisarnissaannik aaqqissuussineq.
- Nunatta nunatsinni tunisassiorneq pillugu ilinniarfimmik pilersitsinissaanut suleqataanissaq
2030-mi angorusutat
Ilinniarfeqarfiit suliffeqarfiillu allat qanimut suleqatiginissaannik kajumissaarinikkut nunatsinni inuiaqatigiinnilu allani piginnaanngorsaanissaq. Tamanna ukkatariuassallugulu sulisutta amerlanerpaat ilinniarsimasuullutillu aamma sulisut piginnaanillit piumassusillillu tunngaviusumik imaluunniit aalajangersimasumik ilinniarsinnaanissaasa periarfissinneqarnissaat angorusupparput.
