Najukkami aalisartunik pikkorissartitsineq
Aalisakkap tunisassiassap uumaneraniit pisisartumut apuunnissaanut naleqalersitsineq paasissallugu pingaaruteqarpoq.
Aalisakkap tunisassiassap uumaneraniit pisisartumut apuunnissaanut naleqalersitsineq paasissallugu pingaaruteqarpoq.
Tunisassiassaqassaganni aalisartut tunisinermilu aqutsisut peqatigalugit pilersaarusiorluarnissaq pinngitsoorneqarsinnaanngilaq. Taamatuttaaq aalisakkap pitsaassusaa nungusaataanngitsumillu aalisarneqarsimanera qanoq aalisarneqarsimaneranit aallaaveqarput. Aalisarneq tunisallu annertussusaat imminnut naapertuutissappata aalisartut tunisinermilu suleqataasut attaveqatigiilluarnissaat pingaaruteqarpoq. Aalisartut tunisinermillu suliaqartut suliatik pillugit paaseqatigiilluarniassammata pitsaassuserlu qaffatsinneqarlunilu aalisartumut Royal Greenlandimullu naleqalerniassammat aalisartut tunisinermilu sulisut pikkorissaqatigiinnissaat pitsaalluinnassaaq.
Anguniagaq
Aalisakkap tunisassiassap uumaneraniit pisisartumut apuunnissaa pillugu paasissutissiinissaq kissaatigaarput, taamaalilluta aalisakkanik pitsaanerpaanik tunisassiarineqarnissaminnullu eqqortumik angissusillit naapertuuttumik tunisassiarineqarsinnaaniassammata.
Piujuartitsineq piujuartitsinerullu qanoq aalisakkanik qalerualinnillu nunani tamalaani niueruteqarnermut pingaaruteqartiginera pillugu atuisut paasinnissasut aammattaaq kissaatigaarput.
2019-imi killiffik
Najukkami aalisartunut pikkorissarnernik tulluarsakkanik suli ingerlatsisoqanngilaq
2022-mi anguniakkat
Aalisartut minnerpaamik illoqarfinni tallimaniittut sammisani aalisarnermut tunngasuteqartuni pikkorissarnissaannik neqeroorfigalugillu tigooraasut aalisartullu minnerpaamik illoqarfinni tallimaniittut kattullutik pikkorissarnissaannik neqeroorfiginissaat.
2030-mi angorusutat
Najukkami pilersuisut aalisartullu Royal Greenalnd Academy aqqutigalugu pikkorissartinneqartalernissaat aamma angorusupparput.
