Aalisarnerup ineriartortinnera - pissuseqatigiiat amerlanerit
Immap pisuussutai akisussaassuseqartumik atorluarumallugit suliniuteqarpugut
Suliffeqarfittut nunarsuarmi inuttusiartuinnartumi inuussutissaqartitseqataassagutta immap pisuussutai siunissami atorluarnerusariaqarpagut.
Pissuseqatigiiat amerlanerit niuerutissatut atuisunullu inuussutissatut ineriartortinneqarnissaat tamatumani periarfissaavoq. Tunisassiat nutaat najukkani suliffissanik pilersitsisinnaammata tamanna niuernitsinnut inuiaqatigiinnullu iluaqutaassaaq.
Nunatsinni inerisaanermut immikkoortortaq anginngitsoq, immami uumassusilerisumik laborantinillu sulisoqartoq pissuseqatigiiaanik soorlu siuteqqunik imarmiunik, eqqusanik, inalugalinnik qeqqussanillu misileraalluni aalisarnermik inerisaanermillu immikkut suliaqarpoq. Aalisarneq, naatitsineq misissugassanillu katersineq suliaapput sivisusinnaasut ukiullu ilaani katersinermi ilisimasanik pissarsiffiujuaannaramik immami pisuussutinik niueruteqarnissamut inerisaasinnaanissatsinnut periarfissiisarput.
Anguniagaq
Pissuseqatigiiaanik inuussutissanillu nutaanik akisussaassuseqartumik ineriartortitsinitsigut immami pisuussutinit iluanaarutit annertusiartornissaat suliniutigiumavarput.
2019-imi killiffik
Pissuseqatigiiaanik nutaanik niueruteqalertoqanngilaq.
2022-mut anguniakkat
Pissuseqatigiiaat nutaat minnerpaamik ataatsit nunatsinni niuerutigineqarsinnaalernissaat.
Suliniutit
- Pingaarnertut sinerissap qanittuani aalisarnernik nutaanik inerisaanissaq, matumani eqqusanik, inalugalinnik aamma siuteqqunik imarmiunik
- qeqqussanik naatitsineq, nunani tamalaani piumaneqarneri naapertorlugit.
2030-mi angorusutat
Pissuseqatigiiaat nutaat pillugit ilisimatusarnermi inerisaanermilu kiisalu silaannaap kissassusaa, immap pissusaa uumasoqarfiillu pillugit nalorninartoqartuaannarmat minnerpaamik pissuseqatigiiaat pingasut nunatsinni 2030-mi niuerutigineqalersimanissaat angorusupparput.
