Tunisassiassat nungusaataanngitsut
Piujuartitsineq siunertaralugu aalisarnerit aalisarnerillu akuersissutillit annertussusaat qaffasarniarlugu suliumavugut
Aalisarnerput ilisimatuussutsikkut siunnersuineq naapertorlugu aqunneqarlunilu pingajuusumit attuumassuteqanngitsumit akuerisaassaaq. Pingaartitat assingusut naapertorlugit aalisakkanik qalerualinnillu pisiortorlutalu nungaasaanngitsumik aalisarneq, immami avatangiisit pissuseqatigiiaallu nutaat pillugit ilisimasanik pilersueqataassaagut.
Aalisakkat nungusaataanngitsumik aalisarneqartut atorlugit tunisassiorumallutalu aalisakkat qaleruallillu MSC-tut ASC-tullu akuerisat piumaneqaraluttuinnarnerat akueraarput. Taamaammat Royal Greenlandimiit aalisarneqartartut arlallit akuersissuteqalernissaat sulissutigaarput.
Nunatsinni aalisanerni MSC-p piumasaqaataassa atuutsilernerat suliffeqarfinnik aalisakkerinermik sulialinnik, najukkani aalisartut peqatigiiffiinik, Pinngortitalerffimmik oqartussanillu suleqateqarnermik tunngaveqarpoq. Royal Greenland Sustainable Fisheries Greenlandimut ilaasortaavoq, suleqatigiinnerlu nunatsinni aalisarnernik sisamanik akuersissuteqalernermik kinguneqarpoq.
Suleqatigiinneq - Sustainable Fisheries Greenland
Suleqatigiinneq - Sustainable Fisheries Greenland
Atlantikup Avannaani Sikuiuitsumilu Avannarlermi aalisarnerup siunissaq ungasinnerusoq eqqarsaatigalugu nungusaataanngitsumik ingerlanneqarnissaa Royal Greenlandimit assigiinngitsutigut suleqataaffigineqarpoq. Sustainable Fisheries Greenland nunatsinni MSC-tut akuerisaanissamut qinnuteqaatit nalilinerillu suliaqarfinni atorfillit qanimut suleqatigalugit qitiusumik suliaqartuuvoq.
Aalisarneq MSC-tut akuerisaanngikkaluarluni nungusaataanngitsumik ingerlanneqarsinnaavoq, taamaammallu aalisarnerit pissuseqatigiiaallu tamarmik suliffeqarfiup iluani nalilersorneqartarput. 2019-imi nalilersuinermi tunisassiassat pisiortukkallu aalisarneqartut 80%-ii nungusaataanngitsumik aalisarneqarsimasut paasineqarpoq. Tunisassiassat piujuartitsinikinnerusut tassaanerupput nunatta kitaani sinerissap qanittuani saarullinniarnerit qaleralinniarnerillu.
Piujuartitsineq siunertaralugu akuerisaaniaraanni pissuseqatigiiaat aalisarneqartussat, saniatigut pisat pinngortitamilu ataqatigiinnerat kiisalu aalisarnerup tamakkiisumik aqunneqarnerat nalilerneqartarpoq. Tamatuma saniatigut aqutsinissaq aalisarnissarlu pillugit siunnersuinerit nalilerneqartarput.
Anguniagaq
Nungusaataanngitsumik aalisarnerit aalisarnerillu akuerisaasut amerlinissaat pillugu suliumavugut.
2019-imi killiffik
Suliffeqarfup iluani naliliinermi piujuartitsineq siunertaralugu pisiortorneq: 80%
Tunisassiassat attuumassuteqarani pingajuusumiit akuerisat: 57%
2022-mi anguniakkat
Tunisassiassaatitta 85%-ii amerlanerilluunniit suliffeqarfitta iluani piujuartitsineq siunertaralugu naliliinitsinnut naapertuunnissaat Royal Greenlandillu tunisassiaataani aalisarnerit akuerisaasut minnerpaamik 60%-iunissaat anguniagaraarput
Suliniutit
- Akuersissutit pigineqareersut pigiinnarnissaat
- Aalisarnerit nutaat, soorlu saattuat nunatta imartaaneersut, peqqussuit Newfoundlandip imartaaneersut nunatsinnilu sinerissap qanittuani qaleralinniarnerit ilaasa akuersissuteqalernissaat.
- Tunisassiassat nioqqutissallu piareeriikkat pisiortukkatta 2019-imut sanilliullugu annerpaartaasa akuersissuteqalernissaat.
2030-imi angorusutat
Tunisassiassaatitta nammineq aalisakkatta pisiortorfitsinniillu pisatta 95%-ii sinnerlugit Royal Greenlandimi piujuartitsinermut nammineq nalilersuisarnitsinut naapertuunniissaat 2030-ip tungaanut anguniarparput. Sinerissap qanittuani qaleralinniarneq saarullinniarnerlu suliniummi tassani pingaaruteqarput. Attaveqatigut aalisakkerinermillu suliaqartut allat suleqatigalugit nalorninartut suussusersinissaannut pitsanngorsagassallu suliarinissaannut peqataajumavugut.
Attuumassuteqanngitsutut pingajuusunit akuersissutit eqqarsaatigalugit tunisassiassat 75%-ii sinnerlugilluunniit akuersissuteqassasut angorusupparput. Nunatsinni sinerissap qanittuani aalisarnerup sumiiffinnilu allani pisiortornerup ineriartornera tamatumunnga attuumassuteqarpoq.
