Avataaniit suliartortut
Avataaniit suliartortut sumiluunniit najugaqaraluarpata, nunaqaraluarpata sumukaraluarpataluunniit pitsaasumik atugassaqartikkumallugit aaqqissuussamik sulerusuppugut
Najukkaminniit allamut imaluunniit nunamiit allamiit allamut suliartortoqartillugu aalajangersakkanik peqartariaqarpoq.
Suliffik kisimi nutaanngornani aammali najugaq ulluinnaallu nutaanngortarput. Avataaniit suliartortut sumiluunniit najugaqaraluarpata, nunaqaraluarpata sumukaraluarpataluunniit pitsaasumik atugassaqartikkumallugit aaqqissuussamik sulerusuppugut.
Nunanit tamalaaneersunik sulilersitsinermi inuttut sulisutullu piginnaatitaaffiit nalinginnaasut inuttassarsiuussinermi unioqqutinneqaratarsinnaapput. Kinameersunik sulisussanik inuttassarsiorneq immikkut eqqumaffigisariaqarpoq, tassami inuttassarsiuussinermi imaluunniit passimik tigumminnikkallarnermi akileraarutinik akiliisoqaratarsinnaavoq.
Sulisut Kinammersut nunatsinnut suliartortut pillugit allaaserisaq ungasinngitsumi atuarneqarsinnaalissaaq.
Anguniagaq
Piujuartisineq siunertaralugu najugaqartunik avataaneersunik ilaqartunik sulisoqarnissarput qulakkeerumavarput. Najugaqartut avataaneersullu assigiimmik atugaqarnissaat aamma suliffeqarfittut kajuminnartuunissaq kiisalu avataaniit suliartortut sulilernermi, suliffimmi najugaqarnikkullu pitsaasunik atugassaqarnissaat anguniagaarput.
2019-imi killiffik
Tunisassiorfinni nunatsinniittuni sulisussanik Nordjobb aqqutigalugu, Kinameersunik aamma nunatsinneersunik inuttassarsiuussisoqartassaaq.
2022-mi anguniakkat
- Avataaniit suliartortut pillugit inuttassarsiuussisarfiit aqqutigalugit inuttassarsiorsimagaanni pissuserissaarnissamut piumasaqaatit eqquutsinnissaat ilanngullugit politikkinik, anguniakkanik nassuiaatinillu pilersitsinissaq
- Najukkat avataaniit suliartortunut neqeroorutigineqartartut pitsaassusaasa minnerpaaffissaat pillugit nassuiaallunilu nalunaarsuineq
