Pisiortorfiusartut sulinermi atugarisaat avatangiisaallu
Pisiortorfitta ILO-mi isumaqatigiissutit atuuttut inuillu piginnaatitaaffii eqquutsissagaat kissaatigaarput
Pisiortorfigisartakkatta sulisutik atugarissaartikkumallugit piumasaqaatit qaffasissut eqquutissagaat qulakkiissallugu akisussaaffeqarpugut.
Sulisutsinnut sillimaniarneq peqqinnissarlu pillugit piumasaqaatit qaffassarumallugillu pisiortorfigisartakkatta inuiaqatigiinni atugarissaanermik, suliffimmi avatangiisinik pitsaasuunissaannik silaannarmullu anitsitsinerminnik eequmaffiginninnissamik ukkatarinninnissaat pillugu aamma pisussaaffeqarpugut.
Taamaammat pisiortorfigisartakkatsinnut nunani nalorninartoqarfinniittunut piumasaqaatigut sakkortusiartuaarumavagut. Attuumassuteqarani pingajuusumit SMETA naapertorlugu nakkutilliisoqartarnissaannik piumasaqarfigiumavagut. Tunisassiorfiit ILO-mi isumaqatigiissutit atuuttut inuillu piginnaatitaaffii eqquutsissagaat qulakkeerumavarput.
Anguniagaq
Aalisakkat, qaleruallit, akuutissat poortuutissallu pillugit piumasaqaatit sukateriffiginerisigut pisiortortarfitsinnut nunani nalorninartoqarfimmiittunut suliffimmi avatangiisit, avatangiiseq kiisalu peqquserlulluni iluanaarniarnerup akiorneqarnerata ukkatarineqarnera annertusiumavarput. Pisiortortarfitsinnut assigiinngitsunut Ileqqorissaarnissamut najoqqutassiat Pisiortorfiusartunut atuuttut eqquutsinneqarnissaat piumasarissallugu ingerlatiinnarumavarput.
2019-imi killiffik
Pisiortorfiusartut ukiumut 250.000 koruunit nalingannut pisiortorfigineqartartut Ileqqorissaarnissamut Najoqqutassat Pisiortorfiusartunut atuuttut minnerpaamik ukiut pingasukkaarlugit atsiortarpaat. Pisiortorfiusartut nunani akunnattumik annertuumillu nalorninartorfiusumiittut nammineq nalilersuisarput. Kinami pilersuisut qulingiluat avatangiiseq ileqqorissaarnerlu pillugit nakkutilliiffigiartorpagut.
2022-mi anguniakkat
Aalisakkanik qalerualinnillu tunisasiiortut nunani annertuumik nalorninartoqarfiusuniittut SMETA naapertorlugu nakkutilliisoqarnissamik piumasaqarfigineqassapput.
Suliniutit
- Royal Greenlandip pisiortortarfii pisiortornermut immikkoortortaq aqqutigalugu piumasaqaatit pillugit attaveqatiginissaat
- Pisiortorfiusartut toqqakkat SMETA naapertorlugu nakkuliisoqarnissaa SMETA-lu naapertorlugu piumasaqaatit eqquutsinnissaat pillugit piareersarnissamut suleqatiginissaat.
2030-mi angorusutat
Aalisakkanik, qalerualinnik, akuutissanik poortuutissanillu pisiortorfiusartut tamarmik suliffeqarfimmit akuersinermik suliaqartumit minnerpaamik ukiut marlukkaarlugit SMETA (assingusorluunniit) naapertorlugu nakkutilliiffigineqarsimanissaat.
