Sulinermi tarnikkut timikkullu atukkat
Sulisut tamarmik suliffimmi avatangiisinik isumannaatsunik peqqinnartunillu neqeroorfigineqarsinnaanissaat kissaatigaarput
Royal Greenlandimi sulisut tamarmik tulluusimaarlutik sulisarniassammata suliffimmi avatangiisinik isumannaatsunik peqqinnartunillu pilersitseqataajumavugut.
Royal Greenlandimi isumannaallisaaneq peqqinnissarlu pillugit suliaqarneq siammasissumik ingerlanneqarpoq, taamaammallu suliffimmi avatangiisit avatangiiserlu pillugit suliniuteqarneq tamakkiisumik ilisimasaqarfigissallugu nalunaarsussallugulu ajornakusoorsinnaavoq. Najukkami nunallu ilaanni tunisassiorfimmik aqutsisut suliffimmi avatangiisit avatangiiserlu pillugit siunnersuisut peqatigalugit tunisassiorfimmi pitsanngorsaallutillu sulinermik aaqqisuussisussaapput.
Sulisut tamarmik isumannaatsumik peqqinnartumillu suliffeqarnissamik ajoquseratarsinnaanerisalu minnerpaaffissaaniitinnissaanik neqeroorfigineqarnissaat akisussaaffigaarput. Tamatuma saniatigut pinngortitap paarilluarneqarlunilu tunisassiorfiup ingerlanneqarneranit pisariaqanngitsumik sunnerneqannginnissaa aamma akisussaaffigaarput. Taamaammat ataatsimoorussamik pisariitsumillu aqutsinikkut suliniutit eqqaaneqartut marluk ataatsimoortillugit atuutsilersikkumavagut.
Kilisaatini imaani isumannaallisaaneq
Kilisaatini imaani isumannaallisaaneq
Royal Greenlandip kilisaataataani avataasiutini inuttat paarlanneri tamaasa, qaammatit marlukkaapajaarlugit, imaani isumannaallisaaneq sungiusarneqartarpoq.
Anguniagaq
Aqutsinikkut periusissanik ilitsersuutinillu pilersitsinikkut sulinerup nalaani ajoqusernerit minnerpaatikkumallugillu avatangiisimut sunniuteqarnerput annikillisikkumavarput.
2019-imi killiffik
Suliffimmi avatangiisit avatangiiserlu illersorniarlugit siammasissumik aamma najukkami ingerlatsineq
2022-mut anguniakkat
Suliffimmi avatangiisit avatangiiserlu pillugit aaqqissuusamik suliffimmi avatangiisit avatangiiserlu pillugit inatsisinik pisisartullu piumasaqataanik naapertuinermik takutitsisumik ineriartortitsineq kiisalu anguniagaralugu ataavartumik pitsannguisarnissamik ukkataqarneq.
Suliniutit
Suliffimmi avatangiisit avatangiiserlu illersorniarlugit aaqqissuussamik makkuninnga piviusunngortitsiumalluni inerisaaneq:
- Suliffeqarfimmi immikoortortat akimorlugit aqutseriaatsimik atoruminartumik pilersitsineq
- Aqutseriaatsip piginnaasai ineriartortinneqarneralu inatsisit atuuttut, pissutsit pisisartullu piumasaqaataat naapertorlugit ingerlanneqassapput
- Suliniuteqarnermi angusat aaqqissuussap ilaata ataqatigiinnera illersorluinnarlugu atuutsilersinneqarsimassapput
2030-mi angorusutat
Sulisut inuit ataasiakkaat pisariaqartitaannut tulluarsakkamik aamma isumannaatsumik peqqinnartumillu avatangiiseqarlutik suliffeqarfissuarmilu tamarmi suliffimmi avatangiisinut avatangiisimullu illersuinermik aaqqissuusseriaatsimik ataatsimik tunngavilerneqartumik atugassaqartitaanissaat angorusupparput. Aammattaaq suliffeqarfiup silaannarmut aniatisinerata avataanilu avatangiisip sunnerneqarnerata minnerpaaffissaatinnissaa angorusupparput.
