Sulisut agguataarnerinik naligiissaarineq
Sulisinnaasunut assigiinngitsunut tulluarsarsimalluta suliffeqarfiujumavugut
Tunisassiorfitsinni nunatsinniittuni sulisut pingasuugaangata ataaseq arnaasarmat arnat sulisut amerlanerulersikkumavagut.
Tunisassiorfitsinni arlalinni sulisut amerlanerpaartaat angutaasarput. Sulisut pingasuugaangata ataaseq arnaasarpoq. Sulisutsinni arnat taarseraatikulanerusut maluginiarparput, tamatumalu suleqatitta ingammik arnat atugassaannik pitsanngorsaasinnaasugut ersersippaa.
Tamatuma saniatigut suliffinnik inuusuttunut, utoqqasaanut timikkullu piginnaasakinnerusunut assersuutigalugu immikkut aaqqissuussinikkut tulluarsaaneq inuiaqatigiinnut suliffeqarfimmullu iluaqutaasinnaavoq.
Anguniagaq
Sulisunut assigiinngitsunut, matumani arnanut, arnanut teknikkilerinermik ilinniagaqarsimasunut kiisalu inuusuttunut, utoqqasaanut immikkullu aaqqissuussinikkut sulisunut suliffeqarfiusinnaajumavugut.
2019-imi killiffik
Nunatsinni tunisassiornermik suliaqartuni agguaqatigiisillugu sulisut pingasuugaangata ataaseq arnaasarpoq.
Utoqqasaat, inuusuttut immikkullu aaqqissuussinikkut sulisunut sulinermi piumasaqaatinik aalajangersagaqanngilaq.
2022-mi anguniakkat
Tunisassiorfinni tunitsivinnilu nunatsinniittuni tamani sulisuni najugaqartuni arnat sulisut amerlassusaat 40%-inngorlugu sinnerluguluunniit amerlisinneqassapput.
Sulisartut assigiinngitsut, inuusuttut 15-iniit 18-inut ukiullit, utoqqasaat immikkullu aaqqissuussinikkut ilanngullugit, suliffigisinnaasaat tulluarsarneqassapput.
Suliniutit
- Tunisassiorfinni aalajangersimasuni sooq sulisut arnat taamak ikitsiginerannut peqqutaasut misissorneqarlutillu nunap ilaani pineqartumi meeqqerivinnik pisariaqartitsineq nalilersorneqassaaq
- Arnat teknikkilierinermik ilinniarsimasut sulisullu immikkut aaqqissuussamik imaluunniit ullup affaa sulerusuttut suliffissaqartinneqassapput.
- Sulisut suiaassusaat, ukiui timikkullu pisinnaasaat suugaluarpataluunniit suliffimmi avatangiisit nalimmassarneqassapput.
2030-mi angorusutat
Inuiaqatigiit agguataarsimanerat allanngorartuaannartuugami ukiuni makkunani ingammik nunatsinni illoqarfinni minnerumaani nunaqarfinnilu malunnarneruvoq. Najugaqartorpassuit, arnat amerlanerullutik, innuttaasukitsuniit illoqarfinnut anginerusunut nuussorput. Pissutsit atuuttut naapertorlugit sulisut aalajangersimasut tunisassiorfinni sulisorineqartarnissaat 2030-ip tungaanut angorusupparput.
