Aappilattumi tunisassiornermi atortulersuisoqassaaq
Kujataani Aappilattumi Royal Greenlandip tunisassiorfia qaleralinnik niaquikkanik paperuikkanillu tunisassiorsinnaanngorlugu atortorissaarutitaassaaq. Qaleralinnik niaquikkanik paperuikkanillu tunisasiornermi atortorissaarutip ikkussuunneqarneratigut tunisassiorfiup sulisui pingasut sisimanik amerlassuseqartut sisamanik ilasinnaalissapput.
Allattoq Inga Egede; ineg@royalgreenland.com- Royal Greenlandi tunisassianik naleqarnerulersitsinissamik anguniagaqarpoq, tassungalu atatillugu Aappilattumi qaleralinnik tunisassiornermi atortorissaarutinik ikkussuisoqassaaq. Tunisassiassanik tunisineq apeqqutaatillugu tunisassiorfimmi sulisut pingasut ilaanni sisamaasartut 2019-imi upernaap ingerlanerani sisamanik ilasinnaalissapput, Royal Greenlandimi tunisassialerinermi ingerlatsisoq Møller Lyberth oqarpoq.
Aappilattuni qaleralinnik tunisassiornermi atortunik ikkussuisoqarneratigut Royal Greenlandip nunatsinni nunaqarfiit kujasinnerpaartaani tunissiorfimmi inerisaanini ingerlattuarsinnarpaa.
2014-imi Royal Greenlandip nunaqarfeerannguami tunisassiorfik ammaqqippaa. Kingorna aalisartut avataanersut nunaqarfiup eqqaani aalisartillutik unnuisarfissaannik Royal Greenland illumik pisivoq. 2017-imi aalisartut nunaqarfimmeersut attartugassaannik umiatsiaaqqanik naleqquttunik pingasunik Royal Greenland pisivoq. Royal Greenlandimi aalisarnermut siunnersortit siunnersuinerisigut 2018-imi nunaqarfimmi aalisartut sisamat ESU -mit tapiissuteqarfigineqarnermikkut umiatsiaarartaarput. 2019-ip ingerlanerani nunaqarfimmiut aalisartut allat sisamat ESU -mit tapiissutinik tunineqassagunik umiatsiaarartaassapput.
Aappilattuni tunisassiorfimmi qaleralinnnik tunisassiornermi atortunik ikkussuisoqarneratigut tunisassiorfimmi saarulliit aamma immikkoortiterneqarsinnaalissasut Møller Lyberthip oqatigaa.
