Aqumiunngorlaap anguniakkani angugaa
31-nik ukiullip Sebastian Bisgaardip Fish Techitut tassa suliffissuaqarfinni tunisassiortutut 2019-imi maajip aallaqqaataani allagartartaartuni marluusuni aappaajusup anguniakkani anguaa. Sebastian Bisgaard ilinniakkamik naammassinnereernermi kingorna Royal Greenlandip kilisaatitaavata Sisimiut-p tunisassiorfiani ingerlatsisutut atorfinippoq.
Allattoq Inga Egede, ineg@royalgreenland.com- Misigaanga iluatsitsillunga, atorfittaamali atorfigilernissaanut tamaviaarlungalunga sapiutinngilanga, Sebastian Bisgaard soraarummiinngitsiarnermini kilisaatitaap nutaaliarluinnaasup tunisassiorfiani ingerlatsisutut atorfininnissaminut sianerfigitilluni neqeroorfigineqarsimasoq oqarpoq.
- Kilisaatip Sisimiut-p tunisassiorfiani ingerlatsisutut atorfininnissannut piareersimanersunga Royal Greenlandip inuttalerinermut ingerlatsisuata sianerfigalunga aperimmanga qutsavigalugu angerpara, Sebastian Bisgaard Fish Techitut soraarummeersimanermut allagartartaani tigoreernerisa kingunitsiannguagut Bilbaomut Spaniamiittumut Royal Greenlandillu kilisaatitaavata Sisimiut-p Kalaallit Nunaanni siullerpaamik aalisarnissaanut upalungaarsaaviusumut aallarsimasoq oqarpoq.
- Misigaanga suliassannut piareersimallunga. Umiarsuarmulli ikinininniit ulluni siullerni pissangalaarlungalu aqajannguummilaartarpunga. Piginnaasatigulli tunniussassarpassuaqarsinnaagama kingornatigut tulluusimaalertupallappunga, Sebastian Bisgaard Royal Greenlandip kilisaataataani aalisartutut ukiuni arfineq-marlunni inuttaasarsimasoq oqarpoq.
Anguniagaq
- Aalisartunngoramali aqumiunngornissara anguniagarilerpara. Ukiuni arfineq-marlunni aalisartooreerlunga fiskeriteknologitullu ilinniakkamut ilinniarnertuutut allagartaqarnissamik uggornaraluartumik piumasaqaatitaqartumut qinnuteqareerlunga Royal Greenlandip inuttalerinermut ingerlatsisuata suliffissuaqarfinni aalisakkanik tunisassiorfiusuni tunisassiortutut ilinniakkamik aallartitsinissannut neqeroorfigaanga. Neqeroorutaanullu soorunami angerpunga, Sebastian Bisgaard ilinniakkaminik naammassinissimanini pillugu oqiliallassimasoq oqarpoq.
- Ilinniagara naammassigakku misigisaq upperiuminaalaarpoq. Ilinniakkamik naammassinninnera ullualuit aatsaat qaangiummata siunersivara. Ullulli ingerlanerat sualunnillu isumagisaqartalernera soorlu itersaatip qamittalernera, atuariartornissara isumaginagu pigaartalernera ilutigalugit ilinniakkamik naammassinninnera eqqissillunga siunersiartorpara.
Royal Greenlandip kilisaatitaava Sisimiut Tunumut siullerpaamik aalisariartorluni Bilbaomiit Spaniamiittumiit 2019-imi maajip naanerani avalassaaq.
Paasissutissat:
Assit: Rebekka Bisgaard
