Royal Greenlandip 2024-mi ukiup affaani kingullermi naatsorsuutaasa inerneri aalaakkaanerulersimapput
Pissutsinik mumisitsinissamut pilersaarut ”turn-around” piviusunngoriartorlunilu aningaasartuutinut pitsanngorsaanerit iluatsillutillu suli aamma allanik pitsanngorsaasoqaleruttorpoq.
2023-mi aningaasarsiornerup ajalusoornerata kingorna Royal Greenlandip 2024-mi ukiup qiteqqunnerani pissutsinik mumisitsinissamut pilersaarut ”Back-to-Black”-imik taaneqartoq aallartippaa. Pilersaarummi matumani isertitatigut aningaasartuutitigullu pitsanngorsaanerit 2025-mi tamakkiisumik atuuttussat 100 mio. DKK-nik naleqarput. Suliniutit pingaarutillit pilersaarummiipput, tassunga ilanngullugit sulisunik ikilisaanerit, qitiusumik tuniniaanermi kiffartuussivik, pisiortornermi sipaarneq kiisalu tunisassiornermi assartugalerinermilu aningaasartuutit.
Ukiup qiteqqunnerani angusat niuerfinnilu ineriartorneq
Piffissami 1. januaarimiit 30. juuni 2024-ip tungaanut akileraannginnermi ukiup affaanut angusat (59) mio. DKK-upput, siorna (113) mio. DKK-ullutik. Taamatut angusaqartoqaraluartoq tamanna naammaginartutut isigineqanngilaq, taamaattorli iliuusissatut pilersaarutit aallartinneqarsimasut ukiup affaani kingullermi pitsaasumik sunniuteqarnissaat naatsorsuutigineqarpoq. Kaaviiaartitat 3,7%-imik, tassa 2.640 mio. DKK-mik qaffariarput, tassanilu niuerfimmi suli ilungersunartoqaraluartoq aalaakkaanerulersimanerat erserpoq. Taamaattorli angusat (90) mio. DKK-nik pitsaanngitsumik sunnerneqarput siorna angusanut sanilliullugit, tassani 2024-mi ammassannut pisassiissutit amigaataanerat aamma uninngasuutit ikinnerunerat pissutigalugu tunisassiornermi aningaasartuutit toqqaannanngitsumik pitsaanngitsumik iluarsineqarnerat pissutigalugit pingaarnertut ikerinnarsiornerluni aalisarnermi isertitat ikinnerunerat pissutaavoq.
Pingaarnertut aallussanik niueruteqarnerni siuariarneq
Royal Greenlandip pissuseqatigiiaanut aallutaata 2024-mi siuariaateqarfiunerat erserpoq.
Skandinaviami, Tysklandimi aamma Tuluit Nunaanni tunisaqarnerulernikkut isertitallu aalaakkaanerisigut raajanut uusunut qalipaajakkanullu niuerfik mumisinneqarpoq. Saattuanik aalisarneq, niuerneq taakkunanngalu isertitat ukiut marluk ilungersunartorsiorfioreersullu nalinginnaasunngoqqipput, aamma Japanimi niuerfiup pitsanngoriaateqarnera erserpoq. Qalerallit tunisaanerat appasinneruvoq, taamaattorli tunisassianit kilisaatineersunit isertitat matussusiipput, taamatuttaarlu saarullinnut niuerfik 2023-mi Ruslandimi saarulliit akikinnerisa malitsigisaanik ilungersunartorsiorfioreerluni ilorraap tungaanut ingerlavoq.
Aningaasaqarnikkut ineriartorneq akiliisinnaassuserlu
"Back-to-Black"-imi ingerlatsinermi isertitat pitsanngornissaat taamaallaat aallunneqanngilaq, aammali ingerlatsinermi aningaasartuutit aamma ilanngaaseereerluni akiitsut erniallit ikilisinneqarnissaat aallunneqarput. Ingerlatsinermi aningaasartuutit 568 mio. DKK-mik annikillipput, aamma ilanngaaseereerluni akiitsut erniallit 376 mio.DKK-nik, tassa akiitsut 2,9 mia. DKK-nut ikileriarput.
Ukiup affaani kingullermut ilimagisat
2024 suli ilungersunartorsiorfiugaluartoq, tassunga ilanngullugit pisassiissutit aamma Kinami niuerfiit tungaatigut nalorninartoqaraluartoq ukiup affaani kingullermi angusat pitsanngoriaateqarnissaat naatsorsuutigineqarpoq. Taamaattorli ”Back-to-Black” aatsaat 2025-mi tamakkiisumik sunniuteqalissaaq, taamaattorli pilersaarutaasutut siornatigut anguneqartut maanna patajaannerulerneranut takussutissaqalereerput.
Pisortaaneq Susanne Arfelt Rajamand oqarpoq: ”Allannguinermik pilersaarummit angusat siulliit takuavut, taamaattorli aningaasaqarneq peqqinnartoq anguniarlugu suli ilungersorluni sulisoqartariaqarpoq aallussisoqartariaqarlunilu. Taamaakkaluartorli piffissami matumani ilungersunartorsiornitsinni piginnaasatta aqqutissiuinissaannut aamma kisitsisit mumisinnissaannut tunngatillugu isumalluarpunga.”
Paasisaqarnerorusukkuit attaveqatigiinnermut ingerlatsisoq Merete Lindstrøm attavigisinnaavat.
E-mail: meli@royalgreenland.com
Tlf: +299 281820
Una tooruk, ukiup affaani naatsorsueqqaarnerit takorusukkukkit
